म्युनिख (एजेन्सी) – जर्मनीका मिडफिल्डर मेसुट ओजिलले अन्तराष्ट्रिय फुटबल जीवनबाट सन्यास लिने घोषणा बकवास भएको उनका सहकर्मी टोनी क्रुसले बताएका छन् ।

जर्मनी तथा रियल म्याड्रिडका मिडफिल्डर क्रुसले पछिल्लो महिना ओजिलले राष्ट्रिय टोलीबाट सन्यास लिने कुरा बकवास रहेको बताएका हुन् । २९ बर्षीय आर्सनल मिडफिल्डर ओजिल जर्मनी रुस विश्वकपमा समूह चरणबाट बाहिरिदा अपमानित भएका थिए । टोनीले ओजिल टिमका लागि एक योग्य र महत्वपुर्ण खेलाडी भएको बताए । तर, जुन तरिकाले उनले सन्यासको घोषणा गरे त्यो कसैको दबाबमा नभएको समेत टोनीले बताए ।

ओजिलले मे मा टर्कीका राष्ट्रपति टायीप एर्डोगनसँग खिचेको फोटोबाट आलोचित भएका थिए । त्यसपछि जर्मनी रुस विश्वकपमा समूह चरणबाट बाहिरिदा झनै आलोचनाका सिकार बने । किनकी ओजिल विश्वकपमा जर्मनीका लागि सबैभन्दा जिम्मेवार खेलाडी थिए । उनले सन्यास घोषणा गर्दा बताएका थिए, ‘जब हामी प्रतियोगिता जित्छौ, हामी जर्मन हुन्छौ । तर, जब प्रतियोगिता हार्छौ हामी आप्रवासि हुन्छौ ।’

ओजिलले जर्मन फुटबल एशोसियसनलाई समेत बताएका थिए की उनी प्रतियोगितामा प्रयास गर्दा गर्दै चुकेका थिए । टोनीले भने, ‘उनको बयानमा जुन कुराको सही तरिकाले सम्बोधन भएको थियो । त्यो भन्दा बदि उनी बकवासले प्रभावित भए ।’ उनले थपे, ‘मलाई लाग्छ उनी राम्रोसँग जान्दछन् की राष्ट्रिय टिम भित्र जातिय विभेद र जर्मन फुटबल एशोसियसनको दबाब थिएन ।’

ओजिलले राष्ट्रिय टिमका लागि ९२ खेल खेलेका थिए । जहाँ उनले २०१४ को विश्वकप जित्दा महत्वपुर्ण भुमिका खेलेका थिए । उनले पाँच पटक समर्थकबाट उत्कृष्ट खेलाडीको उपाधि पाएका थिए ।