9 years ago
February 18, 2016
काठमाडौं, फागुन ६
बुधबार त्रिभुवन अन्तर्राष्ट्रिय विमानस्थलमा केही फरक दृश्य देखियो । भारतमा भएको १२औं दक्षिण एसियाली खेलकुद सागमा स्वर्ण पदक दिलाएका पुरुष फुटबल टोली रजत पदकमा चित्त बुझाएको महिला फुटबल टिम त्रिभुवन विमानस्थलबाट स्वदेश फर्किएका थिए ।
दिउसो १ बजे घरेलु उडानबाट विमानस्थलमा ओर्लिएका महिला टिमलाई स्वागत गर्न एन्फाका पदाधिकारी र महिला कमिटिका सदस्यहरु विमानस्थल पुगेपनि त्यहाँ मिडिया र समर्थक शुन्य नै थियो । भने करिव पाँचबजेतिर स्वर्णपदक दिलाएर घरेलु उडानबाटै स्वदेश फर्किएका पुरुष टिमलाई स्वागत गर्न विमानस्थलमा एन्फाका पदाधिकारीसहित विशिष्ट व्यक्तित्वहरु, मिडियालगायत हजारौको सङ्ख्यामा सर्वसाधारणको बाक्लो उपस्थिति थियो ।
यसलाई सहजै बुझ्न सकिन्छ दक्षिण एसियाली खेलकुद साग र महिला साफ च्याम्पियनसिप फुटबलमा मा लगातार फाइनल खेल्ने नेपाली महिला फुटबल टिम मिडिया र समर्थकको कम चासोमा परे । २३ वर्षपछि उपाधि दिलाएर फर्किएको फुटबल टोली सबैको चासोको विषय बन्यो । विजेता टोलीलाई एन्फाले नगरपरिक्रमा गरायो भने महिला टिम विमानस्थलमा ओर्लिएपछि उनीहरु आ–आफ्नै सुरमा बाटो लागिन् ।
दक्षिण एशियाली खेलकुद साग र महिला साफ च्याम्पियनसिपमा नेपाली महिला टिम अहिलेसम्म पदकविहीन हुनु परेको छैन । अझ भन्नुपर्दा नेपाली महिला फुटबल टिम दक्षिण एसियाली खेलकुद र महिला साफ च्याम्पियनसिपमा विजेता बन्न नसकेपनि नेपाल फाइनल खेल खेल्ने टिम हो । फाइनलमा नेपाल लगातार भारतसँग पराजित हुदै आएको छ ।
नेपाली महिला टिमले सागमा दुई पटक रजतपदक तथा तीनपटक भएको महिला साफ च्याम्पियनसिपमा तीनैपटक रजत पदक दिलाएको थियो । जबकी पुरुष फुटबल टिमले अहिलेसम्म साफ च्यािम्पयनसिपको उपाधि दिलाउन सकेको छैन । साग फुटबल तेस्रोपटक जितेको हो । यसअघि नेपालले सन् १९८४ र १९९९ मा स्वर्णपदक जितेको थियो ।
September 20, 2024
काठमाडौं (हाम्रो खेलकुद) – एन्फा महिला लिगमा अपराजित रुपमा शीर्ष स्थानमा रहेको विभागीय टोली नेपाल एपिएफ क्लबले कोशी प्रदेशसँग खेल्दैछ । लिगमा शुक्रवार हुने २ खेलको पहिलो खेलमा एपिएफ कोशीसँग खेल्दैछ । एन्फा कम्प्लेक्स सातदोबाटोमा खेल दिउँसो १२ः३० बजे सुरु हुनेछ । एपिएफ ६ खेलमा १६ अंकका साथ लिगको शीर्ष स्थानमा छ । कोशीलाई हराउँदै […]
September 19, 2024
सुमन अधिकारी,बुटवल झरना स्पोर्टस क्लबको आयोजनामा रुपन्देहीमा जारी ३६ औं झरना रनिङ शिल्ड फुटबल प्रतियोगितामा बिहीवार कपिलवस्तु -११ ले जित निकाल्दै अन्तिम आठमा पुगेको छ । समूह बीको खेलमा नवयुवा खेलकुद तथा सांस्कृतिक परिवारलाई ६-० ले पराजित गर्दै कपिलवस्तु क्वाटरफाइनलमा पुगेको हो । कुन्जलापुरस्थित उमा निमाविको फुटबल मैदानमा भएको खेलको ११ औ मिनेटमा कपिलवस्तुका कप्तान […]
September 19, 2024
सुशील पन्त क्षेत्री, चितवन गोल्डेन इमिनेन्ट दोस्रो चितवन गोल्डकपमा सूर्यपुर एफसीले विजयी सुरुवात गरेको छ । आज सुरु भएको प्रतियोगिताको उद्घाटन खेलमा सूर्यपुरले बागमती युवा क्लब सर्लाहीलाई पराजित गरेको हो । प्रतिस्पर्धात्मक खेलमा सूर्यपुर सडन डेथमा विजयी भयो । त्यसअघि निर्धारित समयको खेल १-१ को बराबरीमा सकिएको थियो । खेलको २४ औं मिनेटमा हिसुब थपलियाको […]
