लुसी र एमब्लेटनसँग भिड्दै
लन्डन (एजेन्सी) – पोर्चुगलका स्टार खेलाडी क्रिस्टियानो रोनाल्डोको गोल युइएफए सिजनको उत्कृष्ट गोलमा मनोनित भएको छ । उनीसँगै इंग्लयान्डका फुटबलरद्वय लुसी ब्रोन्ज र इलिओट एमब्लेटनको गोल पनि मनोनित भएको छ ।

गत सिजन च्याम्पियन्स लिगको क्वाटरफाइनलमा पूर्व रियल मड्रिड खेलाडी रोनाल्डोले आफ्नो टाउकाने माथिको बललाई खुट्टाले प्रहार गर्दै गोल गरेका थिए । जहाँ रोनाल्डोले अहिलेको आफ्नो नयाँ क्लब युभेन्ट्सविरुद्ध उक्त गोल गरेका थिए । रोनाल्डोको सोहि गोल युइएफए सिजनको उत्कृष्ट गोलमा मनोनित भएको छ ।

त्यस्तै लुसीले म्यान्चेस्टर सिटीविरुद्ध भएको खेलमा लियोनका लागि भलि प्रहार गरेकी थिइन् । एमब्लेटनले युरोपेली यू–१९ च्याम्पियनसिपमा टर्कीविरुद्ध समूह चरणमा उत्कृष्ट गोल गरे । पछिल्लो १२ महिनामा युइएफए प्रतियोगिताको ११ गोलबाट छनोट भएका हुन् । जहाँ एक गोल टोटनह्याम तथा डेनमार्कका प्लेमेकर क्रिस्टियन एरिक्सनले विश्वपकपको प्ले–अफमा आयरल्यान्डविरुद्ध गरेको गोल पनि समावेश थियो ।

रोनाल्डोको गोल च्याम्पियन्स लिगको फाइनलमा भएको लिभरपुलसँगको खेलमा रियल फरवार्ड ग्यारेथ बेलको शानदार ओभरहेड गोल भन्दा अगाडी रहेर छनोट भएको थियो ।