लन्डन (एजेन्सी) – यस पटकको प्रिमियर लिग सिजनका लागि धेरै क्लबले नयाँ खेलाडी अनुबन्ध गरे । क्लबीच निकै प्रतिस्पर्धा समेत भयो । कीर्तिमानी मूल्यमा खेलाडी अनुबन्धन गर्ने होडबाजि नै चल्यो । थुप्रै नाम चलेका खेलाडी ठूला क्लबसँग अनुबन्ध हुने हल्लासँगै प्रयास समेत गरिएका थिए । तर, ट्रान्सफर विन्डो सकिँदा क्लबहरु नाम चलेका खेलाडी अनुबन्ध गर्नबाट चुकेका छन् । ति अनुबन्धबाट चुकेका १० खेलाडी

१. चेल्सी– एलेक्जान्दर गोलोभिन
चेल्सीले सीएसकेए मस्कोका मिडफिल्डर एलेक्जान्दर गोलोभिनसँग सम्झौता गरेका थिए । तर, उनलाई एएस मोनाकोले २५ मिलियन युरोमा अनुबन्ध गर्यो  । रुसका २२ बर्षीय मिडफिल्डर गोलोभिनलाई रुस विश्वकपको प्रदर्शन देखेर चेल्सीले सम्झौता गरेको थियो । यतिखेर युवा खेलाडी गोलोभिनले लिग–१ खेल्न कदम चालेका छन् । आफ्नो देशबाट बाहिरि क्लबमा अनुबन्ध हुने उनी थोरै रुसी खेलाडी मध्ये एक हुन् ।

२. टोटनह्याम– ज्याक ग्रिलिस
एस्टन भिल्लाका मिडफिल्डर ज्याक ग्रेअलिसलाई यस सिजन टोटनह्यामले मुख्य खेलाडीको रुपमा अनुबन्ध गर्ने बताइएका थियो । नयाँ सिजनभन्दा पहिले माउरिसियो पोचेटिनोले उनलाई भित्र्याउने प्रयास गरेका थिए । तर, क्लब उनको मुल्यमा सहमत थिएन । ज्याकलाई अनुबन्ध गर्न टोटनह्यामले २५ मिलियन पाउण्डको प्रस्ताव गरेको थियो । दुबै क्लबबीचको सम्झौता नमिल्दा ग्रेअलिस निराश भएका थिए । उनीसँग भिल्लाले नयाँ सम्झौता गर्न सक्ने बताइएको छ ।

३. बार्सिलोना– विलियन
बर्सिलोनाले विलियम भित्र्याउन चेल्सीसँग निकैनै संर्घष गरेको थियो । उनको मुल्यमा सहमत भएको चेल्सी केहि समय पछि आफ्नो मनसाय बदलेको थियो । अनन्त उनी चेल्सीमै रहे । उनको यो चेल्सीमा छैठौ सिजन हो ।

४. चेल्सी– एलिसन
२०१७–१८ को सिजनमा एलिसनको प्रदर्शन सिरी–ए मा निकै नै प्रभावकारी रहेको थियो । यहि प्रदर्शनले उनी यो सिजन धेरै माग भएका गोलकिपर मध्ये एक भए । यस सिजन उनीमाथि प्रस्ताव गर्ने मध्ये एक थियो चेल्सी । ब्राजिलियन गोलकिपर एलिसनलाई चेल्सीले थिबाउट कोउर्टोसको विकल्पको रुपमा हरेको थियो । तर, उनले इंग्लिस क्लब लिभरपुलमा अनुबन्ध भए । उनी लिभरपुलमा ६७ मिलियन पाउण्डमा अनुबन्ध भएका थिए ।

५.चेल्सी– डेनियल रुगानी
माउरिजियो सारीले डेनियल रुगानीलाई भित्र्याउने आफ्नो मुख्य योजना बनाएका थिए । उनका लागि चेल्सीका सिइओ मरिना ग्रानोभस्कैयाले ५० मिलियन पाउण्डको साझो प्रस्ताव गरेका थिए । तर, युभेन्ट्सले उनको प्रस्तावलाई अस्वीकार गरेको थियो । असवीकार पछि एजेन्टले भएका थिए, ‘चेल्सीले वास्तवमा एक ठुलो बोली लगाएको थियो । जो अस्वीकार हुने सम्भावना कम थियो । तर, युभेन्ट्सले उनलाई बेच्न मानेन् ।’

६. रियल मड्रिड– इडेन हाजार्ड
रियल मड्रिडले इडेन हाजार्डलाई अनुबन्ध गर्न चेल्सीलाई बारम्बार प्रस्ताव गरेको थियो । तर, रियलको बारम्बारको प्रस्तावलाई चेल्सीले अस्वीकार गरेको थियो । रियल हाजार्डलाई पोर्चुगली स्टार क्रिस्टियानो रोनाल्डोको स्थानमा अनुबन्ध गर्न चाहन्थ्यो । बार्सिलोना देखी पिएसजी जाँदा नेयमारका लागि पिएसजीले तिरेको रकम रियलले प्रस्ताव गरेको थियो । तर, उक्त प्रस्ताव चेल्सीले स्वीकार्न सकेन । यो कदम हाजार्ड र रियल दुबै चाहन्थे । तर, क्लबले नचाहँदा रियलको यो प्रयास असफल भयो ।

७. लिभरपुल– नाबिल फकिर
लिभरपुल र लियोनबीच एक सम्झौता भएको थियो । दुबै क्लबबीचको चर्चा पछि ५३ मिलियन पाउण्डको सम्झौता भएको थियो । उनले सिजनका लागि जर्सी नम्बर समेत छनोट गरेका थिए । तर, उनी मेडिकलमा फेल भए पछि लियोनमै रहन बाध्य भए ।

८.म्यान्चेस्टर युनाइटेड– ह्यारी मगाएर
ह्यारी मगाएरको विश्वकपमा गरेको प्रदर्शनका कारण उनी म्यान्चेस्टर युनाइटेडको नजरमा परेका थिए । उनलाई युनाइटेडले टोबी एल्डरवेरेल्डको विकल्पको रुपमा हेरेको थियो । दुर्भाग्यवाश उनलाई लेस्टर सिटीले बेच्नमानेन र म्यान्चेस्टर युनाइटेड उनलाई भित्र्याउने सपनाबाट बाहिरियो ।

९. म्यानचेस्टर सिटी– जोर्गिन्हो
म्यान्चेस्टर सिटीले नेपोली मिडफिल्डर जोर्गिन्होलाई यस सिजन अनुबन्ध गर्न आफ्नो पहिलो प्राथमिकतामा राखेको थियो र सम्झौता नजिक समेत पुगेका थिए । तर, उनी भन्दा अगाडि चेल्सीले उनलाई अनुबन्ध गर्यो । सिटीका म्यानेजर पेप ग्वार्डिओला निकै निराश भएका थिए ।

१०. म्यान्चेस्टर युनाइटेड– टोबी एल्डरवेरेल्ड
जोसे माउरिन्हो आफ्नो डिफेन्स बलियो बनाउन एक अर्को खेलाडी अनुबन्ध गर्न तयार थिए । सिजन २०१८–१९ का लागि उनले टोबी एल्डरवेरेल्डलाई आफ्नो क्लबमा भित्र्याउने प्रयास गरे । शुरुवाती वार्तामा युनाइटेडले टोटनह्यमा हट्स्पर सहमती रहेको अनुभुत गरेको थियो । तर, दोस्रो वार्तामा टोटनह्यामले उनको प्रयासलाई अस्वीकार गर्यो र युनाइटेड उनलाई भित्र्याउन असफल रह्यो ।