काठमाडौं (हाम्रो खेलकुद)– विना जानकारी जिम्मेवारीबाट हटाइए विषयमा छलफल गर्न राष्ट्रिय टोलीका पूर्व प्रशिक्षक राजुकाजी शाक्य आज नै अखिल नेपाल फुटबल संघ (एन्फा) जाने भएका छन् ।

राष्ट्रिय टोलीको प्रशिक्षकमा कार्यरत रहकै अवस्थामा एन्फाले विना सुचना हटाएको भन्दै सञ्चारमाध्यममा व्यापक आलोचना भएपछि एन्फाले शाक्यलाई छलफलका लागि भन्दै तीन दिन भित्र उपस्थित हुन बिहीबार पत्र पठाएको थियो । एन्फातर्फबाट उपाध्यक्ष पंकज नेम्बाङ र प्रवक्ता किरण राईले शाक्यले छलफल गर्ने बुझिएको छ ।

शाक्यले एन्फाबाट पत्र प्राप्त भएको एक दुई दिनमै छलफलको लागि जाने बताएका थिए । एन्फा प्रवक्ता राईले शाक्यको विषयमा आएका समाचारले ध्यानाकर्षण भएको र छलफलको लागि तयार भएको बताएका थिए । प्रवक्ता राई पनि छलफलबाट समाधान निस्कनेमा एन्फा आशावादी रहेको बताएका छन् ।

एन्फाले शाक्यले राष्ट्रिय टोलीमा सम्हाल्दै आएको प्रशिक्षकको भूमिकामा अर्का प्रशिक्षक बालगोपाल महर्जनलाई नियुक्त गरेको थियो । राष्ट्रिय टोलीका पूर्व कप्तान शाक्यले नेपालले सन् १९९८ र १९९३ मा दक्षिण एसियाली खेलकुदमा स्वर्ण पदक जित्दाका सदस्य हुन् ।

दुवै स्वर्ण पदक जित्ने टोलीमा रहेका दुई मध्येका शाक्य खेलाडी हुन् । अर्का पूर्व खेलाडी उमेश प्रधान अहिले अमेरिकामा छन् । १९९३ मा नेपालले स्वर्ण पदक जित्दा शाक्य कप्तान थिए ।

खेल जीवनपछि लगातार प्रशिक्षणमा रहेका शाक्य नेपालले एएफसी सोलिडारिटी कप जित्दा प्रशिक्षक दिए । त्यस्तै उनकै प्रशिक्षणमा नेपाली यू २३ टोलीले भारतमा दुई बर्षअघि १२ औं दक्षिण एसियाली खेलकुद ९साग० मा स्वर्ण पदक जितेको थियो ।