म्याड्रिड (एजेन्सी) –इन्टर मिलान रियल मड्रिडका मिडफिल्डर लुका मोड्रिच भित्राउन इच्छा देखाइरहेको समाचारहरु सार्वजनिक भइरहेको छ । तर उनलाई भित्राउन असम्भव नै हुने गरि रियलले सरुवा रकम तोकेपछि सायद अब इन्टरले पछि हट्ने छ ।

आफ्ना स्टार खेलाडीलाई किन्न चाहेमा सुरुवाको विश्व कीर्तिमानी रकमको झन्डै तेब्बर ७ सय ५० मिलियन युरो तिर्नुपर्ने गरि रियलले मुल्य तोकेको छ । रियलका अध्यक्ष फ्लोरेन्टिनो पेरेजलेले उनलाई कसैले भित्राउन प्रयास नगरुन भन्नका लागि चर्को मुल्य तोको हुन् । यो मुल्य पछि मोड्रिच लिने योजनाबाट क्लबहरु पछि हट्ने सम्भावना छ ।

रुस विश्वकपबाट मोड्रिच एक स्टारको रुपमा चिनिएका थिए । उनले क्रोएसियालाई विश्वकपमा फाईनल सम्म पुर्याउन महत्वपुर्ण भुमिका खेलेका थिए । तर, फाइनल खेलमा क्रोएसिया फ्रान्ससँग ४–२ ले पराजित भएको थियो ।

३२ बर्षीय मोड्रिचले विश्वकपमा उत्कृष्ट प्रदर्शनका कारण गोल्डेन बल जितेका थिए । यसै प्रदर्शनले उनले थुप्रै प्रशंसक बटुलेका थिए । यिनै प्रशंसक मध्येको एक हो मिलान । मिलनले सिरी ए र युरोपियन च्याम्पियनका लागि उनलाई भित्र्याउन प्रयास गर्ने बताइएको थियो ।

तर, पेरेजले इन्टरको को आशालाई निराशामा परिणत गरिदिएका छन् । पेरेजले भने, ‘मोड्रिच भित्र्याउन एक मात्र विकल्प छ । त्यो भनेको ७ सय ५० मिलियन तिर्न तयार हुनुपर्दछ ।’रियलसँग अझै दुई वर्षको सम्झौता रहेका मेड्रिच अर्को हप्ता सम्म विदामा छन् । विश्वकप पछि उनी छु्ट्टीमा छन् ।