नेपाल समुह चरणमा दुवै खेल जितेर समुह विजेताको रुपमा सेमिफाइनल पुगेपनि नेपालको खेल भने सम्झनलायक थिएनन्|

भुटान विरुद्ध विमलको ह्याट्रिक र बंगलादेश संग भाग्यले जितेको नेपालको दुवै खेलमा मिडफिल्ड भने फिका थियो| राष्ट्रिय टोलीको ३० खेलाडीमा अटाएका हेमन्त थापा मगर र विश्वास श्रेष्ठ सम्मिलित मिडफिल्डबाट यस्तो प्रदर्शन देखिएला भन्ने सायदै प्रशिक्षक र फ्यानले सोचेका थिए| ए डिभिजनमा समेत आफ्नो क्षमता देखाएका र विगतका उमेर समुहको प्रतियोगितामा फरवार्डको भुमिका निभाएका सुनिल बाल केहि राम्रा देखिएका छन्|

फरवार्ड लाइनमा अन्जन विष्ट र विमलको विचमा देखिने तालमेल मिडफिल्ड चुकेका कारणले गर्दा त्यति मिलेको देखिन्न| डिफेन्सिभ मिडफिल्डमा तिन खेलाडी प्रयोग गरिसकेको नेपालले पहिलो खेलमा तेज लामा र दोश्रोमा कमल श्रेष्ठलाई पहिलो सेटमा उतारेको थियो| दोश्रो खेलमा अतिरिक्त खेलाडिको रुपमा मैदान छिरेका डोना थापाले भने केहि राम्रो पिरदर्शन गरेका थिए| उनको आगमनसंगै नेपालको हातामा बल ज्यादा बसेको थियो र खेलाडि केहि कन्फिडेन्ट पनि देखिएका थिए| डिफेन्समा दिनेश राजवंशीको अनुपस्थितिमा खेलिरहेका सुदन थापाले बंगलादेश विरुद्ध खेलमा गल्ति गरेपनि त्यो नदोहोरिनेमा प्रशिक्षक विश्वस्त हुन जरुरी छ|

अफगानिस्तान जस्तो शारिरिक रुपमा बलियो टोलीसंग दिनेशको अभाव खड्किने सवालमा दुइमत अवश्य छैन| उमेर समुहमा राम्रो प्रदर्शन गरेर ए.पि.एफ् टोलीमा अटाएका गोलरक्षक रोमन रसाइली यो प्रतियोगितामा बेन्चमै छन्| उनिभन्दा एक ब्याच मुनिका सोजित गुरुङ्ग केहि राम्रो भएकाले रोमन पछि परेको कुरा प्रशिक्षकले खुलाशा गरे|

नेपालको सम्भावित ११:

सोजित गुरुङ्ग

आकाश थापा – अनन्त तामाङ्ग – गौरव बुढाथोकि – सुदन थापा

शिव सुबेदि – हेमन्त थापा मगर – डोना थापा – विश्वास श्रेष्ठ

अन्जन विष्ट – विमल घर्ति मगर (क)