6 years ago
August 1, 2018
मियामी (एजेन्सी) – युरोपियन क्लब फुटबलको नयाँ सिजन शुरु हुनु अघिको प्रि–सिजन अन्र्तगतको इन्टरनेसनल च्याम्पियन्स कपमा स्पेनिस क्लब रियल म्याड्रिड पराजित भएको छ ।
अमेरिकाको मियामीमा भएको खेलमा स्पेनिस जाइन्ट रियल इंग्लिस क्लब म्यानचेस्टर युनाइटेडसँग २–१ ले पराजित भएको हो । युनाइटेडको जितमा एलेक्सिस सान्चेज र एन्डर हेरेराले गोल गरे । रियालका लागि करिम बेन्जेमा एक गोल फर्काए । सबै गोल पहिलो हाफमा सम्भव भएको हो ।
१८ औं मिनेटमा सान्चेजको गोलबाट युनाइटेडले अग्रता बनायो । २८ औं मिनेटमा हेरेराले गोल गर्दै युनाइटेडको अग्रता दोब्बर पारे । पहिलो हाफको इन्जुरी समयमा बेन्जेमाले गोल गर्दै खेललाई २–१ को स्थितिमा ल्याए । दोस्रो हाफमा दुवै टिमले गोल गर्ने प्रयास गरेपनि गोल गर्न असफल रह्यो ।
युनाइटेडसँगको हारसँगै रियलका प्रशिक्षक जुलेन लुप्टेगुईको नयाँ सिजन हारबाट शुरु भएको छ । उनी विश्वकप दौरान नै रियलको प्रशिक्षकमा नियुक्त भएका थिए ।युनाइटेड यसअघि प्रिमियर लिगको अर्को टोली लिभरपुलसँग ४-१ ले पराजित भएको थियो ।
October 15, 2024
काठमाडौं (हाम्रो खेलकुद) – नेपाली महिला राष्ट्रिय फुटबल टोलीकी फरवार्ड सावित्रा भण्डारी ‘साम्बा’ ले बिहीवारदेखि सुरु हुने साफ महिला च्याम्पियनसिप अन्तर्गत पहिलो खेल गुमाउने भएकी छिन् । साफ महिला च्याम्पियनसिपमा नेपालले पहिलो खेल शुक्रबार भुटानसँग खेल्दा साम्बा उपस्थित नहुने पक्का भएको छ । फ्रान्सेली क्लब एन अभान्ट ग्वेंगाम्पबाट व्यावसायिक फुटबल खेलिरहेकी साम्बालाई क्लबले आफ्नो लिग […]
October 15, 2024
एजेन्सी – फ्रान्सले युरोपियन नेसन्स लिगमा लगातार तेस्रो जित हासिल गरेको छ । फ्रान्सले सोमवार बेल्जियममाथि २-१ जित हात पार्यो । बेल्जियमको घरेलु मैदानमा भएको खेलमा फ्रान्सलाई जित दिलाउन रान्डल कोलो मुअनीले २ गोल गरे । बेल्जियमका लागि लोइस ओपेन्डाले १ गोल फर्काए। खेलको २३औं मिनेटमा यौरी टिएलेम्यान्सले पेनाल्टी चुकाउँदा बेल्जियमले अग्रता बनाउने अवसर गुमायो […]
October 14, 2024
काठमाडौं (हाम्रो खेलकुद)- यसै साता सुरु हुने महिला साफ च्याम्पियनसिपमा भाग लिन माल्दिभ्स टोली सोमवार नेपाल आइपुगेको छ। साफमा भाग लिन आइपुग्ने माल्दिभ्स दोस्रो टोली हो । पाकिस्तानी टोली आइतवार बिहान काठमाडौं आइपुगेको छ । अखिल नेपाल फुटबल संघ (एन्फा) प्रवक्ता सुरेश शाहलगायतले पाकिस्तानी टोलीलाई त्रिभुवन अन्तर्राष्ट्रिय विमानस्थलमा स्वागत गरेका थिए। भारत, बंगालादेश र श्रीलंकाको […]