मायामी (एजेन्सी) – लिभरपुलका स्टार मोहमद सलाहले काँध निकै ठिक भएको बताएका छन् । रियल म्याड्रिडविरुद्धको मेमा च्याम्पियन्स लिग फाइनलमा सहालको काँधमा चोट लागेको थियो । फाइनलमा लिभरपुल ३– १ ले पराजित भएको थियो ।

चोट पूर्ण रुपमा ठिक नभएकै कारण इजिप्टका सहालले रसियामा भएको फिफा विश्व कपमा उपेक्षा अनुसारको प्रदर्शन गर्न सकेकनन् । अमेरिका भ्रमणमा रहेको लिभरपुलका लागि बुधबार म्यानचेस्टर सिटीविरुद्धको मैत्रीपूर्ण खेलमा सहालले गोल गरेका थिए । अघिल्लो सिजन उच्च प्रदर्शन गरेका सहाललाई यसपटक सोही प्रदर्शनको दबाब रहेको छ ।

‘फुटबलमा फर्केको छु । खुसी लागेको छ । काँधमा पनि पहिला भन्दा सहज भएको छ,’ टोलीमा फर्कन पाउँदा आनन्द लागेको छ, ‘सहालले भनेका छन्, ‘मेरो लागि मात्र होइन सबैका लागि पछिल्लो सिजन मेरो लागि उत्कृष्ट रह्यो ।’

उनले अघिल्लो सिजनको प्रदर्शनको केहि दबाब रहने स्वीकारे । ‘गत सिजन प्रिमियर लिगमा ३८ गोल गरे । त्यो कीर्तिमान थियो । यसपटक त्यसको केहि दबाब रहन्छ,’ उनले थपे, ‘हामीले च्याम्पिन्स लिग र प्रिमियर लिगमा पनि राम्रो गरेका थियौं ।’

यद्दपी केहि चिन्ता लिनु पर्ने विषय नभएको सहालले बताए । उनले भने, ‘यसमा चिन्ता लिनुपर्ने केहि छैन । म त्यहि गर्छु हिजो जे गरेको थिए ।’ पछिल्लो सिजन सबै खाले प्रतियोगितामा ४४ गोल गरेका सहाल पिएफए वर्षका उत्कृष्ट खेलाडीबाट सम्मानित भएका थिए ।