प्रि– सिजन इन्टरनेसनल च्याम्पियन कपः सिटी विजयी

मियामी (एजेन्सी) – युरोपियन क्लब फुटबलको नयाँ सिजन शुरु हुनुअघिको प्रि–सिजन अन्र्तगतको इन्टरनेसनल च्याम्पियन्स कप फुटबलमा प्रिमियर लिग क्लब म्यानचेस्टर सिटी हात पारेको छ ।

अमेरिकाको मियामीमा भएको खेलमा प्रिमियर लिग च्याम्पियन म्यानचेस्टर सिटीले जर्मन च्याम्पियन बायर्न म्युनिखलाई ३–२ ले पराजित गरेको हो । सिटीको जितमा बर्नाडो सिल्भाले दुई तथा लुकास मेचाले गोल गरे । बायर्नका लागि मेरिटन सवानी र आर्जेन रोवेनले गोल गरे । सिटीले दुई गोलले पछि परेको अग्रता उल्ट्याएर जित निकालेको हो ।

१५ औं मिनेटमा सवानीले गोल गर्दै बायर्नलाई सुरुवाती अग्रता दिलाएका थिए । २४ औं मिनेटमा रोबेनले गोल गर्दै बायर्नलाई २–० को अग्रता दिलाएका थिए । पहिलो हाफको इन्जुरी समयमा सिल्भाले गोल गरेपछि पहिलो हाफ २–१ मा सकिएको थियो । ५१ औं मिनेटमा लुकासले गोल गर्दै खेल २–२ को बराबरीमा ल्याए । ७० औं मिनेटमा सिल्भाले व्यक्तिगत दोस्रो गोल गर्दै सिटीलाई ३–२ को जित दिलाए ।