लन्डन (एजेन्सी) – इग्लिस क्लब चेल्सीले आफ्ना स्टार खेलाडी इडेन हाजार्डलाई विश्व कीर्तिमानी रकम २ सय मिलियन पाउन्डमा मात्र बच्न सकिने बताएको छ । सुपर स्टार क्रिस्टियानो रोनाल्डोले रियल म्याड्रिड छाडेर युभेन्ट्स सरुवा भएयता हाजार्ड रियल जाने चर्चा व्यापक रुपमा चलेको छ । तर, चेल्सी आफ्ना स्टारलाई सस्तोमा बेच्ने पक्षमा छैन ।

चेल्सीका नयाँ प्रशिक्षका माउरिजियो सारी हाजार्डलाई गुमाउन चाहदैनन् । सम्भवत, त्यहि कारण पनि उनलाई खरिद गर्न चाहनेले विश्व कीर्तिमानी रकम तिर्नुपर्ने बताइएको छ । बार्सिलोनाबाट गत सिजन नेयमार १ सय ९८ मिलियन पाउन्डमा पिएसजी पुगेका थिए । अहिले सम्मको कीर्तिमानी सरुव रकम त्यहि हो ।

चेल्सीका अर्का खेलाडी विलियनलाई पनि चेल्सीले चर्को मुल्य तोकेपछि बार्सिलोना जाने चर्चा अहिले सेलाएको छ । अर्कोतिर चेल्सीले गरेको सम्झौता बढाउने प्रयासलाई हाजार्डले अस्वीकार गर्दै आएका छन् । उनको अहिलेको सम्झौता अझै दुई वर्षको रहेको छ ।

अब अहिलेको सम्झौतामा हरेक साता ३ लाख पाउन्ड पाउने सम्झौता हुने सम्भावना छ । विश्व कपको छुट्टीबाट फर्केपछि आफ्ना गोलकिपर थिबाउट कर्टियोसलाई पनि राख्न चाहेको छ । उनी पनि रियल जाने चर्चा चलिरहेको छ । हाजार्ड, कर्टियोस सम्मिलित बेल्जियम रसिया विश्व कपमा तेस्रो भएको थियो ।