ललितपुर (हाम्रो खेलकुद)– नेपाल एपिएफ क्लबले उपराष्ट्रपति कप महिला राष्ट्रिय लिगमा लागतार दोस्रो जित हासिल गरेको छ । सातदोबाटोस्थित एन्फा कम्प्लेक्समा शुक्रबार भएको पहिलो खेलमा रौतहटलाई ७–० ले हराउँदै एपिएफले प्रतियोगितामा लगातार दोस्रो सफलता हात पारेको हो ।

तस्बिरहरु: विवेक सुवेदी/हाम्रो खेलकुद

आफ्नो पहिलो खेलमा एपिएफले बुधबार काठमाडौंलाई १०–० ले हराएको थियो । रौतहटविरुद्धको जितमा टोलीकी सावित्रा भण्डारीले ४, सरु लिम्बुले २ र अनिता बस्नेतले १ गोल गरेकी थिइन् । प्रतियोगितामा सावित्राको गोल संख्या ९ पुगिसकेको छ । उनले पहिलो खेलमा ५ गोल गरेकी थिइन् ।

छैटों मिनेटमा सरुको गोलबाट अग्रता लिएको एपिएफका लागि सावित्राले ३० औं मिनेटमा गोल गरिन् । सरुले ४० औं मिनेटमा गोल थपेपछि एपिएफले पहिलो हाफमा ३–० को अग्रता बनाएको थियो । दोस्रो हाफमा १ मिनेटको फरकमा दुई गोल गर्दै सावित्राले प्रतियोगितामा दोस्रो हाट्रिक पुरा गरिन् ।

सावित्राले५४ औं र ५५ औं मिनेटमा गोल गरेकी थिइन् । अनिताले ७९ औं मिनेटमा गोल गर्दा एपिएफले ६–० को अग्रता लिएको थियो । एक पक्षिय खेलको इन्जुरी समयको दोस्रो मिनेटमा सावित्राले अर्को गोल थपेकी थिइन् । सावित्रा नै खेलको वमन अफ दी म्याच भइन् ।

रौतहटको भने यो तेस्रो खेलमा पहिलो हार हो । यसअघि टोलीले काठमाडौं र नेपाल पुलिस क्लबलाई पराजित गरेको थियो । प्रतियोगितामा ३ विभागिय एपिएफ, नेपाल पुलिस , त्रिभुवन आर्मी क्लब, रौतहट र काठमाडौं गरि ५ टोलीको सहभागिता रहेको छ । काठमाडौं र रौतहट छनोट चरण पार गर्दै र बाँकी तीन विभागिय टोलीले स्वत राष्ट्रिय लिगमा प्रवेश पाएका थिए ।