वासिङ्टन (एजेन्सी)– ब्राडली राइट–फिलिप्सले मेजर लिग सकर (एमएलएस) मा सबैभन्दा छिटो १ सय गोल पुरा गर्ने खेलाडी बनेका छन् । डिसी युनाइटेडलाई १–० ले हराउँदा न्यू योर्क रेड बुल्सका लागि फिलिप्सले गोल गर्दै सय गोल पुरा गरेका छन् ।

सो खेलमा उनले गोल गर्ने अपेक्षा गरिएकोले तयारी पनि त्यहि अनुसारको थियो । खेलअघि उनले ९९ नम्बरको लगाएका थिए । दोस्रो मिनेटमा गोल लगत्तै उनले १०० अंक लेखिएको जर्सी लगाउँदै खुसीयाली साटेका थिए ।

फिलिप्पेले २००४ बाट व्यावसायिक फुटबल यात्रा सुरु गरेका थिए । उनको व्यावसायिक यात्राको म्यानचेस्टर सिटीबाट भएको थियो । सिटीमा रहँदा उनले प्रिमियर लिगका दुई सिजन ३२ खेल खे्रल्दै २ गोल गरेका थिए ।

त्यसपछि उनी साउथमप्टन, प्लेमाउथ आर्गिले, चार्लटोन एथलेटिक, ब्र्रेन्टफोर्ड हुर्दै न्युयोर्क रेड बुल्समा पुगेका थिए । उनले एमएलएसमा १ सय ५९ खेल खेल्दै १ सय गोलको कोसेढुङ्गा पुरा गरेका थिए । एमएलएसमा सय गोल पुरा गर्ने फिलिप्स ११ औं खेलाडी बनेका छन् ।

‘सय गोल पुरा गर्न उत्कृष्ट टोली विना सम्भव छैन । त्यस्तै प्रशिक्षण टोली पनि त्यत्तिकै सहयोग हुनुपदैछ , फिलिप्सले भने, हरेक समय साथ दिने परिवार छन् । म सबैलाई धन्यवाद दिन चाहन्छु । उनका बाबु आर्सनलका पूर्व खेलाडी इयान राइटले सामाजिक सञ्जालमार्फते छोराको सफलताको खुसी व्यक्त गरेका छन् ।

दोस्रो हाफमा मैदान प्रवेशका मौका पाएका इग्ल्यान्ड तथा म्यानचेस्टर युनाइटेडका पूर्व कप्तान डिसी युनाइटेडका वायन रुनीले भने खेलमा प्रभाव जमाउन सकेनन् ।