आर्सनल एट्लेटिकोसँग पराजित

हङकङ (एजेन्सी) – प्रि– सिजनको इन्टरनेसनल च्याम्पियन्स कप फुटबलमा एट्लेटिको मड्रिडले विजय हात पारेको छ । दि नेशनल स्टेडियममा बिहिबार साँझ भएको एट्लेटिकोले आर्सनललाई पराजित गरेको हो ।

निर्धारित समयको खेलमा दुवै टोलीबाट समान १–१ गोल गरे पछि खेलनको निर्णय पेनाल्टि सुटआउटमा पुगेको थियो । पेनाल्टि सुटआउटमा अर्सनल ३–१ ले पराजित भएको हो । खेलको ४१ औं मिनेटमा लुकियनो भिएट्टोले गोल गरेपनि पहिलो हाफमा एट्लेटिकोले १–० को अग्रता बनाएको थियो ।

दोस्रो हाफको सुरुवाती समयमा नै आर्सनले गोल गर्दै खेल १–१ बराबरीम ापुर्यो । ५४ औं मिनेटमा एमिले स्मिथ रोवेले बराबरी गोल गरेका थिए । प्रि– सिजनको इन्टरनेसनल च्याम्पियन्स कप फुटबलमा दुवै टोलीको यो पहिलो खेल हो । एट्लेटिकोले ३ अंक जोडेको छ ।