काठमाडौं (हाम्रो खेलकुद) – इन्डोनेसियामा अर्को महिना हुने आसन्न एसियाड र बंगलादेशमा हुने साफ च्याम्पियनसिपका लागि नेपाली फुटबल टोलीले थाइल्यान्डमा विशेष प्रशिक्षण गर्ने भएको छ । अखिल नेपाल फुटबल संघ (एन्फा) का अनुसार नेपालले थाइल्यान्डमा १० दिन लामो विशेष प्रशिक्षण र दुई अभ्यास खेल खेल्ने पक्का भएको बताएको छ ।

एन्फाका अनुसार २९ सदस्यीय खेलाडी र अफिसियलको टिम ३ अगस्टमा थाइल्यान्ड प्रस्थान गर्नेछ । नेपालले प्रशिक्षणमा रहँदा थाइल्यान्डको राष्ट्रिय टोली र शीर्ष डिभिजनको एक क्लबसँग मैत्रीपूर्ण खेल खेल्ने तय भएको एन्फाका प्रवक्ता किरण राईले जानकारी गराए । एसियाड १४ अगस्टबाट १ सेप्टेम्वरसम्म र साफ च्याम्पियनसिप ४ सेप्टेम्वरबाट बंगलादेशमा शुरु हुनेछ ।

एसियाडमा नेपाल समूह ‘डी’ मा रहेको छ । नेपाल रहेको समूहमा जापान, भियतनाम र पाकिस्तान रहेका छन् । यस्तै साफ च्याम्पियनसिपमा नेपाल आयोजक बंगलादेश, पाकिस्तान र भुटान रहेका छन् । नेपालले एसियाड र साफ च्याम्पियनसिपका लागि पछिल्लो तीन महिनादेखि निरन्तर प्रशिक्षण गरिरहेका छन् ।

एसियाड र साफ च्याम्पियनसिपको सम्भावित टोली
१. अभिषेक रिजाल
२.आदित्य चौधरी
३. एलेन न्यौपाने
४. अनन्त तामाङ
५. अन्जन विष्ट
६. भरत खवास
७. विकेश कुथु
८. विमल घर्तीमगर
९. विराज महर्जन
१०. बिशाल राई
११. देवेन्द्र तामाङ
१२. दिनेश राजवंशी
१३. गौरव बुढाथोकी
१४. जर्ज प्रिन्स कार्की
१५. हेमन गुरुङ
१६.हेमन्त थापामगर
१७. कमल श्रेष्ठ
१८. किरण चेम्जोङ
१९. नवयुग श्रेष्ठ
२०. रविन श्रेष्ठ
२१. रोहित चन्द
२२. सन्तोष तामाङ
२३. सोजित गुरुङ
२४. सुजल श्रेष्ठ
२५. सुमन अर्याल
२६. सुमन लामा
२७. सुनिल बल
२८. तेज तामाङ
२९. छिरिङ गुरुङ