क्यालिफोर्निया (एजेन्सी) – इंग्लिस क्लब म्यानचेष्टर युनाइटेडले प्रि सिजन अन्तर्गतको इन्टरनेसनल च्याम्पियन्स कप फुटबलमा पहिलो जित निकालेको छ । अघिल्ला दुई खेलमा बराबरीको नतिजा निकालेको युनाइटेडले बिहिबार बिहान भएको खेलमा इटालियन क्लब एसी मिलानलाई सडन डेथमा जित निकालेको हो ।सडन डेथमा पुगेको खेलमा युनाइटेड ९-८ ले विजयी रह्यो ।

निर्धारित समयको खेल १–१ गोलको बराबरीमा सकिएपछि खेलको निर्णय पेनाल्टी सुटआउटबाट लिइएको हो । जसमा युनाइटेडले बाजी मा¥यो । १२ औं मिनेटमा एलेक्सिस साञ्चेजले गोल गर्दै युनाइटेडलाई अग्रता दिलाएका थिए । तर, युनाइटेडको तयो अग्रता तीन मिनेट पनि टिकेन १५ औं मिनेटमा सुसोले बराबरी गोल फर्काए । त्यसपछि गोल निस्कन नसक्दा खेल पेनाल्टी सुटआउटमा धकेलिन पुग्यो ।

यता, बिहिबार बिहानै भएको अर्काे खेलमा इंग्लिस क्लब टोटनह्यामले सहज जित निकालेको छ । टोटनह्यामले इटालियन एएस रोमालाई ४–१ को सहज जित निकालेको हो । क्यालिफोर्नियामा भएको खेलमा टोटनह्यामलाई सहज जित दिलाउन फर्नान्डो लोरेन्टे र लुकास मोउराले समान दुई गोल गरे ।

रोमाका प्याट्रिक सेकले एक गोल गरे । टोटनह्यामले रोमाले लिएको सुरुवाती अग्रता उल्टाएर जित हासिल गरेको हो । तेस्रो मिनेटमा प्याट्रिकले गोल गर्दै रोमालाई सुरुवाती अग्रता दिलाएका थिए । तर, खेलको नवौं मिनेटमा लोरेन्टेले बराबरी गोल फर्काए । १८ औं मिनेटमा लोरेन्टले व्यक्तिगत दोस्रो गोल गर्दै अग्रता २–१ मा ल्याए । २८ औं मिनेटमा पहिलो गोल गरेका मुराले ४४ औं मिनेटमा व्यक्तिगत दोस्रो गोल गर्दै टोटनह्यमलाई ४–१ को सहज जित दिलाए ।