6 years ago
July 25, 2018
काठमाडौं (हाम्रो खेलकुद)– अखिल नेपाल फुटबल संघ ९एन्फा० का अध्यक्ष कर्मा छिरिङ शेर्पाले नेपालमा लिग नभएको पाँच वर्ष भैसकेको अवस्थामा यसपटक हुने सहिद स्मारक लिगलाई वार्म अप लिगको रुपमा राख्दै कुनै पनि रेलिगेसन नहुने बताएका छन् । २०७० मा सहिद स्मारक लिग भएयता फुटबलको मेरुदण्ड मानिने लिग हुन सकेको छैन । २०७२ मा राष्ट्रिय लिग भएको थियो ।
एन्फाको कार्यनीति, ग्रासरुट, विधान र नियमावलीको क्लबस्तरीय अन्र्तक्रिया एवम् कार्यशाला गोष्ठीमा बोल्दै एन्फा अध्यक्ष शेर्पाले क्लबहरुको गाह्रो परिस्थितिका कारण रेलिगेसन गराउदा झनै समस्यामा पर्ने बताउदै यसपटक रेलिगेसन बिनाको लिग गराउन बाध्य बनेको बताए । तर, विश्वको जुनसुकै लिगमा रेलिगेसन गराउने र बढाउने नियम रहेको छ ।
‘लिग नभएको पाँच वर्ष भैसकेको छ । केही क्लब बाहेक अन्य ‘ए’ डिभिजन क्लबमा खेलाडी नै छैनन् । त्यसैले यसपटक रेलिगेसन नगर्ने गरी लिग गर्न खोजेका हौं ’ एन्फा अध्यक्ष शेर्पाले भने, ‘हामीले हाम्रो समस्यालाई फिफा र एएफसी समक्ष पनि प्रस्तुत गरेका थियो । उनीहरुबाट पनि स्वीकृति पाएको छ । यसपटकको लिग अर्को वर्षको लागि वार्म अप लिगको रुपमा रहनेछ ।’
मोफसलका केही प्रतियोगिताहरुले मात्रै नेपाली फुटबल धानिरहेको अवस्थामा नेपालमा फुटबलको माहोल सिर्जना गराउनको लागि पनि यसपटकको लिगमा रेलिगेसन नहुने उनले स्पष्ट पारे । उनले अर्को वर्षबाट भने यो छुट नहुने बताए ।
यसपटकको ‘ए’ डिभिजन लिग असोज १३ गतेबाट शुर भएर माघ १६ गतेसम्म सञ्चालन हुनेछ । ‘ए’ डिभिजन लिगमा १४ टोली रहेका छन् । लिगमा रुस्लान थ्री स्टार क्लब, लक्ष्मी हुण्डाई मनाङ–मस्र्याङ्दी क्लब, नेपाल पुलिस क्लब, नेपाली एपिएफ क्लब, त्रिभुवन आर्मी क्लब, जावलाखेल युथ क्लब छन् ।
त्यस्तै फ्रेन्डस् क्लब, संकटा क्लब, मच्छिन्द्र क्लब, सरस्वती युवा क्लब, च्यासल युथ क्लब, न्युरोड टिम ९एनआरटी०, ब्रिगेड ब्वाइज क्लब हिमालयन शेर्पा क्लबले ए डिभिजनमा प्रतिस्पर्धा गर्नेछन् । च्यासल र एनआरटी ‘बी’ डिभिजन बाट पछिल्लो पटक एमा बढुवा भएको थियो ।
October 15, 2024
काठमाडौं (हाम्रो खेलकुद) – नेपाली महिला राष्ट्रिय फुटबल टोलीकी फरवार्ड सावित्रा भण्डारी ‘साम्बा’ ले बिहीवारदेखि सुरु हुने साफ महिला च्याम्पियनसिप अन्तर्गत पहिलो खेल गुमाउने भएकी छिन् । साफ महिला च्याम्पियनसिपमा नेपालले पहिलो खेल शुक्रबार भुटानसँग खेल्दा साम्बा उपस्थित नहुने पक्का भएको छ । फ्रान्सेली क्लब एन अभान्ट ग्वेंगाम्पबाट व्यावसायिक फुटबल खेलिरहेकी साम्बालाई क्लबले आफ्नो लिग […]
October 15, 2024
एजेन्सी – फ्रान्सले युरोपियन नेसन्स लिगमा लगातार तेस्रो जित हासिल गरेको छ । फ्रान्सले सोमवार बेल्जियममाथि २-१ जित हात पार्यो । बेल्जियमको घरेलु मैदानमा भएको खेलमा फ्रान्सलाई जित दिलाउन रान्डल कोलो मुअनीले २ गोल गरे । बेल्जियमका लागि लोइस ओपेन्डाले १ गोल फर्काए। खेलको २३औं मिनेटमा यौरी टिएलेम्यान्सले पेनाल्टी चुकाउँदा बेल्जियमले अग्रता बनाउने अवसर गुमायो […]
October 14, 2024
काठमाडौं (हाम्रो खेलकुद)- यसै साता सुरु हुने महिला साफ च्याम्पियनसिपमा भाग लिन माल्दिभ्स टोली सोमवार नेपाल आइपुगेको छ। साफमा भाग लिन आइपुग्ने माल्दिभ्स दोस्रो टोली हो । पाकिस्तानी टोली आइतवार बिहान काठमाडौं आइपुगेको छ । अखिल नेपाल फुटबल संघ (एन्फा) प्रवक्ता सुरेश शाहलगायतले पाकिस्तानी टोलीलाई त्रिभुवन अन्तर्राष्ट्रिय विमानस्थलमा स्वागत गरेका थिए। भारत, बंगालादेश र श्रीलंकाको […]