बर्लिन (एजेन्सी)– विश्व कपका सर्वाधिक गोलकर्ता जमर्नीका पूर्व फरवार्ड मिरोस्लाभ क्लोसले फ्रेन्च युवा स्ट्राइकर केलियन एमबाप्पले आफ्नो कीर्तिमान भंग गर्न सक्ने विश्वास व्यक्त गरेका छन् ।

पहिलो पटक रसिया विश्व कप खेलेका एमबाप्पेले ४ गोल गरेका थिए । अर्जेन्टिनाविरुद्ध २ गोल गरेका उनले फाइनलमा क्रोएसियालाई ४–२ ले हराउँदा १ गोल गरेका थिए । फ्रान्सले दोस्रो पटक विश्व कप उपाधि जितेको थियो ।

सन् २००२ देखि २०१४ सम्म जर्मनीबाट विश्व कप खेलका क्लोसले १६ गोल गरेका थिए । ‘एमबाप्पले अझै ४ वटा विश्वकप खेल्न सक्छन्,’ क्लोसले भने,‘ उनले कीर्तिमानी बराबरी गर्न वा त्यो भन्दा पनि राम्रो गर्न सक्दछन् । फ्रान्स अहिले निकै राम्रो लयमा छ ।’

क्लोसले एमबाप्प बालोन डी ओरको मनोनयमा क्रिस्टियानो रोनाल्डो, लियोन मेस्सी, फ्रान्सेली सहकर्मी एन्टोनी ग्रिजमनसँगै पर्ने सम्भावना रहेको समेत बताएका छन् ।

उनले थपे ‘ एमबाप्पले मनोनयमा पर्ने मध्येका एक खेलाडी हुन् । यद्दपी उनले आफ्नै टोलीका ग्रिसमन, विश्व कपका उत्कृष्ट खेलाडी लुका मोड्रिच, च्याम्पियन्स लिग विजेता रोनाल्डोसँग प्रतिस्पर्धा गर्नुपर्ने हुन्छ ।’

विश्व कपको सफलता एमबाप्पले अहिले विदामा छन् । उनी अहिले पेरिस सेन्ट जर्मेनको प्रि सिजन एसिया भ्रमणमा जाने छैनन् । उनी सोझै नयाँ सिजनको सुरुवातमा टोलीमा आबद्ध हुने बताइएइको छ ।