पेरिस (एजेन्सी)– पेरिस सेन्ट जर्मेन (पिएसजी) मा नेयमारको उद्देश्य पुरा भइ नसेकेकोले उनी अझै त्यहि बस्नु पर्ने क्लब तथा ब्राजिलका राइट ब्याक डानी अल्भेसले बताएका छन् । फ्रेन्च च्याम्पियनले गत वर्ष विश्व कीर्तिमानी रकम २ सय २२ मिलियनमा नेयमारलाई स्पेनिस क्लब बार्सिलोनाबाट भित्राएको थियो ।

तर फेब्रुअरीमा लागेको चोटका कारण नेयमारले धेरै खेल गुमाएका थिए । यद्दपी चोट लाग्नुअघि नेयमारले उच्च प्रदर्शैन गरेका थिए । पिएसजी पुगेको केहि समयपछि नै नेयमार स्पेनको अर्को क्लब रियल म्याड्रिड जाने चर्चा सुरु भएको थियो । नेयमार आफै पिएसजीमा सन्तुष्ट नरहेकोले रियल जाने चर्चा लगातार चलेको थियो ।

तर, पछिल्लो समय नेयमारले पिएसजीमै निरन्तरता दिन र च्याम्पियन्स लिग जित्न चाहेको बताइएको थियो । पिएसजीमा पनि अहिले नयाँ प्रशिक्षक थोमस तुचेल छन् । बार्सिलोनाका पूर्व रक्षक अल्भेसले नेयमारले पिएसजीमा थ्रुपै सफलता हात पार्न बाँकी रहेकोले अहिले हतारिन नहुने बताएका छन् ।

‘नेयमार यहि रहनेमा म आशावादी छु । उनले पिएसजीलाई अझै धेरै दिन बाँकी छ । पहिलो सिजनमा लिएको उद्देश्य चोटका कारण पुरा हुन सकेन,’ अल्भेसले भने,‘ योजना अनुसारको सफलता प्राप्त गर्नुपर्दछ । मलाई लाग्छ अहिले नेयमारको उद्देश्य पुरा भएको छैन ।’

चोटग्रस्त अल्भेसले केहि महिना अझै मैदान बाहिर रहनुपर्नेछ । केहि समयअघि उनको घुडाँको शल्यक्रिया गरिएको थियो । चोटका कारण उनले रसिया विश्व कप गुमाएका थिए । नेयमार भने टोलीको प्रि सिजन भ्रमणबाटै टोलीमा समावेश हुने सम्भावना छ ।