लन्डन (एजेन्सी)– चेल्सीका नयाँ प्रशिक्षक माउरिजियो सारीले फरवार्ड इडेन हाजार्ड क्लबमै रहेको हेर्न चाहेको र उनमा अझै सुधार गर्न सक्ने बताएका छन् । छ वर्षमा चेल्सीमा बिताइसकेका हाजार्ड स्पेनिस क्लब रियल म्याड्रिड जान सक्ने चर्चाका बीच सारीको यस्तो भनाई आएको हो ।

विश्व कपमा उच्च प्रदर्शन गरेको बेल्जियमका कप्तान अब नयाँ ढंगले आफ्नो खेल जीवन अघि बढाउने चाहेको र रियल जान सक्ने अनुमान गरिएको छ । बुधबार आयोजित पत्रकार सम्मेलनमा सारीले भने हाजार्डलाई स्तरीय खेलाडी भएको उल्लेख गर्दै भने, उनी युरोपका दुई वा तीन मध्ये एक उत्कृष्ट खेलाडी हुन् । उनी माथिल्लो स्तरको खेलाडी हुन् । मलाई आशा छ म अझै सुधार गर्न सक्छु ।

बेल्जियमका प्रशिक्षक रोर्बेटो मार्टिनेजले भने केहि फरक गर्ने सोचमा रहेका हाजार्ड चेल्सी बस्ने वा अन्त जानेले नै निर्णय लिनु पर्ने बताउछन् । हाजार्डले रियल जाने हल्लातर्फ संकेत गर्दै भने, तपाईहरुलाई थाहा छ मेरो गन्तव्य कहाँ हो । यहाँ बस्ने भए म निर्णय गर्न सक्छु तर चेल्सीले अन्तिम लिएको राम्रो, म जाने नजाने विषयमा ।बेल्जियमलाई विश्व कपमा तेस्रो बनाउदा त्यसको नेतृत्व गरेको हाजार्ड अहिले विदामा छन् । चेल्सीका प्रशिक्षक सारीले हाजार्डलाई भेट्न चाहेको बताएका छन् ।