6 years ago
July 16, 2018
अर्जुन कार्की
बागलुङ – एन्फा कप बागलुङ अन्तरविद्यालय फुटबल प्रतियोगितामा सिदार्थ शिक्षा सदन छात्र र अमर आदर्श मावि छात्रातर्फ च्याम्पियन बनेको छ । सोमबार भएको फाइनलमा छात्रतर्फ इन्जुरी समयमा २ गोल गर्दै सिद्धार्थले चिल्ड्रेन लाइफलाई ३–१ ले र छात्रातर्फ अमर आदर्शले कालिगण्डकी बोर्डिङ ४–० ले हराउँदै उपाधि जितेका हुन् ।
छात्र तर्फ सिदार्थले चिल्ड्रेन लाइफसँग गत वर्षको फाइनलमा बेहोरोको हारको बदला लिएको छ । खेलमा पछि परेर सिद्धार्थ उल्टाउन सफल भएको थियो । ६० मिनेट खेलको पहिलो हाफ गोलरहित बराबरीमा टुंगिएको थियो । खेलको ३४ औं मिनेटमा राजीव श्रीसको गोलबाट चिल्ड्रेनले अग्रता लिएको थियो ।
५७ औं मिनेटमा सिद्धार्थका कप्तान युवेश थापाले काउन्टर अट्याकमा गोल गर्दै खेललाई बराबरीमा पुराएका थिए । इन्जुरी समयमा युवेश र ओम मगरले गोल गरेपछि सिद्धार्थ विजयी भएको थियो ।
अखिल नेपाल फुटबल संघको बार्षिक कार्यक्रम अनुसार भएको प्रतियोगिताको छात्रतर्फ जिल्लाका १६ विद्यालयको सहभागिता रहेको थियो । उपाधिसहित १५ हजार रुपैयाँ प्राप्त गरेको सिद्धार्थ प्रदेश ४ को एन्फा कपका लागि छनोट भएको छ । चिल्ड्रेन लाईफले ८ हजार रुपैयाँ प्राप्त गर्यो ।
छात्रा तर्फ ज्ञानु केसी र सुमिना केसीको समान २ गोलमा अमर आदर्शले कालिगण्डकी बोर्डिङमाथि सहज जित हासिल गर्यो । ज्ञानुले दोस्रो र सातौं तथा सुमिनाले ११ औं मिनेट र १२ औं मिनेटमा गोल गरेकी थिइन् । जिल्लामा पहिलो पटक आयोजना गरिएको छात्रा तर्फ ३ विद्यालयको सहभागिता थियो ।
October 14, 2024
काठमाडौं (हाम्रो खेलकुद)- यसै साता सुरु हुने महिला साफ च्याम्पियनसिपमा भाग लिन माल्दिभ्स टोली सोमवार नेपाल आइपुगेको छ। साफमा भाग लिन आइपुग्ने माल्दिभ्स दोस्रो टोली हो । पाकिस्तानी टोली आइतवार बिहान काठमाडौं आइपुगेको छ । अखिल नेपाल फुटबल संघ (एन्फा) प्रवक्ता सुरेश शाहलगायतले पाकिस्तानी टोलीलाई त्रिभुवन अन्तर्राष्ट्रिय विमानस्थलमा स्वागत गरेका थिए। भारत, बंगालादेश र श्रीलंकाको […]
October 14, 2024
काठमाडौं (हाम्रो खेलकुद) – अखिल नेपाल फुटबल संघ (एन्फा) ले यसै साता काठमाडौंमा सुरु हुने साफ महिला च्याम्पियनसिपका लागि नेपाली टोलीको घोषणा गरेको छ ।महिला राष्ट्रिय टोलीका मुख्य प्रशिक्षक राजेन्द्र तामाङले सोमवार एन्जिला तुम्बापो सुब्बाको कप्तानीमा २३ सदस्यीय टोली घोषणा गरेको हुन् । मुख्य प्रशिक्षक तामाङले व्यवसायिक फुटबलका लागि देश बाहिर रहेका सावित्रा भण्डारी ‘साम्बा’ […]
October 13, 2024
काठमाडौं (हाम्रो खेलकुद)- यसै साता सुरु हुने महिला साफ च्याम्पियनसिपमा भाग लिन पाकिस्तानी टोली आइतवार बिहान काठमाडौं आइपुगेको छ । अखिल नेपाल फुटबल संघ (एन्फा) का सह महासचिव अरुणमान जोशी, प्रवक्ता सुरेश शाहलगायतले पाकिस्तानी टोलीलाई त्रिभुवन अन्तर्राष्ट्रिय विमानस्थलमा स्वागत गरेका थिए। दक्षिण एसियालीका ७ राष्ट्रका महिला टोलीको सहभागिता रहने साफ च्याम्पियनसिप बिहीवार त्रिपुरेश्वरस्थित दशरथ रंगशालामा […]