म्याड्रिड (एजेन्सी) – स्पेनिस क्लब रियाल म्याड्रिडका पूर्व अध्यक्ष रमन काल्डेरोनले आफ्ना सुपरस्टार खेलाडी क्रिस्टियानो रोनाल्डोलाई बेचेर क्लबले ऐतिहासिक भुल गरेको बताएका छन् ।

‘रोनाल्डो जस्तो सुपरस्टार खेलाडीलाई यति सहजै बेच्नु एकदमै खराव निर्णय हो । उनलाई क्लबले कम्तीमा पनि अझै आफ्नो सम्झौता २०२१ सम्म क्लबमै राख्नुपर्ने थियो ’ काल्डेरोनले अन्र्तवार्तामा भने, ‘रोनाल्डोलाई एकदमै साधारण तरिकाले बेचियो । २००९ मा म्यानचेस्टर युनाइटेडले पनि उनलाई बेच्न चाहेको थिएन । तर, उनलाई कीर्तिमानी मुल्यमा किन्न सफल भयौं । एकै सिजन ६० गोलसम्म गर्न सक्ने क्षमता भएका रोनाल्डोलाई अहिले १ सय मिलियन पाउण्डमा बेचिनु ऐतिहासिक भुल हो ।’

‘रोनाल्डोलाई १०० मिलियन या विलियनमा बेच्नु रियालका राम्रो समाचार हैन । तर, यो सत्य हो कि यस्ता निर्णयले क्लब र खेलाडीलाई नै हतोत्साहित गर्दछ । त्यही समयमा त्यहा कुनै खेलाडी हुनेछैन । त्यसैले यो रियालको गम्भीर र ऐतिहासिक त्रुटि नै हो ।’ काल्डेरोनले थपे ।

पाँच पटकको बालोन डि’ ओर विजेता रोनाल्डोलाई आजै युभेन्टस्ले टुरिनमा सार्वजनिक गरेको छ । रोनाल्डो कै उच्च प्रदर्शनमा रियालले लगातार लगातार तीनपटक च्याम्पियन्स लिगको उपाधि जित्न सफल भएको थियो । रियालको सर्वाधिक गोलकर्ता समेत रहेका रोनाल्डोले गत सिजन सबै प्रतिस्पर्धामा ४४ गोल गर्न सफल भएको थियो ।