मस्को (एजेन्सी) – फुटबलको महाकुम्भ विश्वकप २०१८ को फाइनल खेलमा फ्रान्स र क्रोएसिया भिड्दै छन् । फ्रान्सले खेलको १८ औं मिनेटमा अग्रता लिन सफल भएको छ ।

खेलको सुरुवाती मिनेटहरुमा क्रोएसियाले खेलमा नियन्त्रणमा लिए पनि फ्रान्सले गोल गर्न सफल भयो । एन्टोइन ग्रिजम्यानको फ्रिकिकमा मारियो मान्डजुकिचले आत्मघाती गोल गर्दै फ्रान्सले अग्रता लिन सफल भयो ।

फ्रान्स र क्रोएसिया दुवैले आफ्नो टोलीमा केही परिवर्तन गरेका छैनन् । ऐतिहासिक रुपमा फाइनलमा पुगेको क्रोएसिया पहिलोपटक विश्वकप जित्ने योजनामा हुनेछ ।यता, उपाधिको दावेदार मानिएको फ्रान्स क्रोएसियालाई पराजित गर्दै विश्वकपका दोस्रोपटक च्याम्पियन बन्ने योजनामा हुनेछ ।

सुरुवाती ११

फ्रान्स
गोलकिपर : ह्युगो लोरिस
डिफेन्डर : बेन्जामिन पाभार्ड, सामुयल उम्टिटी, राफायल भरान, लुकास हर्नान्डेज
मिडफिल्डर: पल पोग्बा, एन्गोलो कान्टे, ब्लेज माटुइडी
फरवार्ड : एन्टोइन ग्रिजम्यान, ओलिभर जिरु, किलियन एम्बाप्पे

क्रोएसिया
गोलकिपर : डानियल सुबासिच
डिफेन्डर : इभान स्ट्रिनिच, डेजान लोभरन, डोमागोज भिडा, सेमि भ्रासिलोको
मिडफिल्डर : मार्सेलोन ब्रोजोभिच, इभान राकिटिच, लुका मोड्रिच
फरवार्ड : इभान पेरिसिच, आन्टे रेबिच, मारियो मान्डजुकिच

के क्रोएसिया खेलमा फर्किन सक्ला?