नेपाल समूह उपविजेता

गुहावटी, माघ २८
भारतमा जारी १२औं दक्षिण एशियाली खेलकुदको पुरुष फुटबलतर्फ नेपाल समुह उपबिजेता बनेको छ ।
बिहीबार भएको समुह चरणको अन्तिम खेलमा नेपाल बंगलादेशसंग २–१ गोलले पराजित भएपछि उपविजेतामा चित्त बुझाउनु परेको हो । सीमित बनेको हो ।

जगजित श्रेष्ठको कर्नर बलमा अनन्त तामाङले दोस्रो मिनेटमै गोल गरेको थियो । तर, नेपालले त्यो अग्रता जोगाउन सकेन । ४० औं मिनेटमा बंगलादेशले बराबरी गोल फर्कायो । नेपाली गोलकिपर एलन न्यौपानेलाई बिट गर्दै रेहम हसनले गोल गरेका थिए ।
पहिलो हाफको अन्तिम मिनेटमा बंगलादेशले खेलमा अग्रता लियो । मोहम्मद जीवानले पेनाल्टी एरियाबाट गोल गर्दै बंगलादेशलाई अग्रता दिलाएका हुन् ।
यसअघि नेपालले पहिलो खेलमा भुटानलाई ५–० को फराकिलो गोल अन्तरले पराजित गरेको थियो ।
अव नेपालले फाइनल प्रवेशका लागि अर्काे समूहको विजेता माल्दिभ्ससँग खेल्नेछ ।