सेन्ट पिटर्सबर्ग (एजेन्सी) – विश्वकप २०१८ को तेस्रो स्थानको प्ले-अफ खेलमा बेल्जियम र इंग्ल्यान्ड भिड्दै छन् । सेन्ट पिटर्सबर्ग रंगशालामा खेलिने सो खेल नेपाली समयअनुसार ७.४५ बजे सुरु हुने छ ।

सेमिफाइनलमा बेल्जियम फ्रान्ससंग १-० ले पराजित भएको थियो भने इंग्ल्यान्ड क्रोएसियासंग अतिरिक्त समयमा २-१ ले पराजित हुन पुगेको थियो । दुवै टोलीले समूह ‘जी’ को अन्तिम खेलमा भिडेका थिए जसमा बेल्जियम १-० ले जित हात पारेको थियो । त्यस खेलको विपरीत आज दुवै टोलीले आफ्नो बलिया टोली नै उतार्ने भएका छन् ।

इंग्ल्यान्डले आज डिफेन्डर कायल वाकरको स्थानमा फिल जोन्सलाई खेलाउने भएको छ । त्यस्तै एस्लि योङको स्थान ड्यानी रोजले लिने छन् । मिडफिल्डको मध्य भागमा डेले अल्ली र जेसे लिन्गार्डको स्थानमा रुबेन लफ्टस-चिक र फाबियन डेल्फ रहेका छन् । ६ गोलसहित गोल्डेन बुटको दौडमा अग्रस्थानमा रहेका ह्यारी केनले इंग्ल्यान्डको कप्तानी गर्ने छन् ।

अर्को तर्फ, बेल्जियमको टोलीमा पनि केही परिवर्तन रहेको छ । विङ ब्याक थोमस म्युनियरले अघिल्लो खेलमा प्रतिबन्धमा परेका थिए तर आज उनी मुसा डेम्बेलेको स्थानमा टोलीमा फर्केका छन् । त्यस्तै मरोएनी फेलाइनीको स्थान युरी टाइलेमान्सले लिएका छन् । गोल्डेन बलको मौका जीवित रहेको एडेन हाजार्डले टोलीको कप्तानी गर्ने छन् भने केन भन्दा २ गोल पछि रहेका लुकाकुले अग्रपंक्ति सम्हाल्ने छन् ।

सुरुवाती ११

बेल्जियम

गोलकिपर – थिबो कोर्टुवा
डिफेन्डर – थोमस म्युनियर, टोबि एल्डरवेरल्ड, भिन्सेन्ट कम्पनी, जान भर्टोन्घेन, नसिर चाड्ली
मिडफिल्डर – युरी टाइलेमान्स, अक्सेल विटसेल
फरवार्ड – केभिन डि ब्रुयन, एडेन हाजार्ड, रोमेलु लुकाकु

इंग्ल्यान्ड

गोलकिपर – जोर्डन पिकफोर्ड
डिफेन्डर – केरन ट्रिपियर, जोन स्टोन्स, ह्यारी म्याग्वाएर, फिल जोन्स, ड्यानी रोज
मिडफिल्डर – रुबेन लफ्टस-चिक, फाबियन डेल्फ
फरवार्ड – ह्यारी केन, रहिम स्टेर्लिङ

आजको खेलको नतिजा के होला ? अनुमान लगाउनुहोस् ।