म्याड्रिड (एजेन्सी)– स्पेनिस चर्चित क्लब रियल म्याड्रिड चेल्सीका स्टार इडेन हाजार्डलाई भित्राउन १ सय ५० मिलियन पाउन्ड प्रस्ताव लाने तयारी गरिरहेको बताइएको छ । क्रिस्टियानो रोनाल्डो यहि साता रियलबाट युभेन्ट्समा १ सय मिलियन पाउन्डमा गएपनि टोलीले हाजार्डलाई भित्राउन प्रक्रिया थाल्न लागेको हो ।

बेल्जियम टोलीका कप्तान लामो समयदेखि नै रियल जाने चर्चा चलेको थियो । उनले पनि रियलको जर्सी लगाउने आफ्नो सपना रहेको बताउँदै आएका थिए । चेल्सीले साताको ३ लाख पाउन्डको नयाँ प्रस्ताव गरेपनि २७ वर्षे फरवार्डले त्यसलाई त्यसलाई अस्वीकार गरेका थिए ।

प्रिमियर लिग र च्याम्पियन्स लिगमा क्लबको चुनौति बढाउनका लागि चेल्सी अब नयाँ सम्झौताको प्रस्ताव हाजार्ड सामू राख्ने तयारीमा रहेको छ । तर, रियलको प्रस्ताव अघि बढेको खण्डमा भने हाजार्डलाई रोक्न चेल्सीलाई कठिन पर्ने सम्भावना छ । चेल्सीले बिहिबार मात्र प्रशिक्षक एन्टोनियो कोन्टेलाई बर्खास्त गरेको थियो ।

उनको ठाँउ लिने सम्भावना रहेका नेपोलीका पूर्व प्रशिक्षक माउरिजियो सारीले हजार्डलाई क्लबमै राख्न पक्कै प्रयास गर्नेछन् । सन् २०१२ मा लिगबाट चेल्सी पुगेयता क्लबबाट उले सबै खाले गरि ३ खेल खेलिसकेका छन् । जसमा उनले ८९ गोल गरेका छन् । हाजार्ड सम्मिलित चेल्सीले २ प्रिमियर  लिग, एक एफए कप र एक युरोपा लिगको उपाधि जितेको थियो ।