रियो दि जेनेरियो (एजेन्सी)– नेयमार विश्व कपको क्वार्टरफाइनलबाटै बाहिरिनुपर्दा निराश बनेका नेयमार विस्तारै स्वभाविक अवस्थामा फर्कने ब्राजिलियन विश्व कप विजेता पूर्व कप्तान काफुले विश्वास लिएका छन् । ब्राजिल अन्तिम आठबाटै बाहिरिएपनि समर्थकले नेयमारको चर्को आलोचन गरेका छन् ।

विश्व कपमा नेयमारकै प्रदर्शन पनि सन्तोषजनक रहन सकेन । उनको तुलनामा फिलिप्पे काउटिन्होले निकै प्रभावशाली प्रदर्शन गरेका थिए । बेल्जियमविरुद्धको फाइनलमा अपेक्षा अनुसारको प्रदर्शन गर्नबाट नेयमार चुकेपछि उनले समर्थकबाट चर्को आलोचनाको सामना गर्नु परेको थियो । तर, काफुले नेयमार त्यो निराशाबाट फर्कने विश्वास लिएका छन् । विश्व कप जित्न नसक्दा त्यसले निकै दुःख अनुभव हुने ब्राजिलियन महान खेलाडीमध्येका काफुले बताएका छन् ।

‘हामीले उनीबाट धेरै अपेक्षा राखेका थियौं । नेयमार प्रतिभावान खेलाडी हुन् । त्यहि कारण हामी मैदानमा उनीबाट फरक प्रदर्शनको आशा राख्दछौं,’ काफुले भने, ‘त्यसैले ओलचना स्वभाविक हुन आउछ । उनको प्रदर्शन हामीले चाहे जस्तो थिएन । जनताले अपेक्षा गरेभन्दा उनको प्रदर्शन तल थियो । उनले नेयमारलाई अहिले ब्राजिलको उत्कृष्ट खेलाडी भएको पनि बताए ।

‘तर हामीले ३० मिनेटको खेलका आधारमा नेयमारलाई प्रश्न गर्न मिल्दैन । उनले खेल जीवनभर के गरे त्यो हेर्नुपर्दछ,’ उनले थपे, ‘तर विश्व कप त्यस्तो ठूलो मौका हो । जहाँ माफी दिन कठिन हुन्छ । यद्दपी नेयमार फुर्तिला छन् । उनी पुरानै लयमा देखिनेछन् ।’

विश्व कप अन्तिम चरणमा पुगिरहँदा ब्राजिलियन स्टारले रियल म्याड्रिडमा क्रिस्टियानो रोनाल्डोको ठाँउ लिने विश्वास गरिन्छ । रोनाल्डो रियल छाड्दै हालै इटालियन क्लब युभेन्ट्समा आबद्ध भएका छन् । यद्दपी आउने सिजन नेयमार रियल जानेछन् वा पेरिस सेन्ट जर्मेनमै रहनेछन्, त्यसका लागि भने केही समय कुर्नुपर्ने हुन्छ ।