मस्को (एजेन्सी)– फ्रान्सका सुपरस्टार केलियन एमबाप्पेले बालोन डी ओर अवार्डका विषयमा आफुले खासै वास्ता नगरेको बताएका छन् । लियोन मेस्सी र क्रिस्टियानो रोनाल्डोलाई पछि पार्दै बालोन डी ओर जित्ने सम्भावनाका बारेमा प्रश्न गर्दा उनले आफुलाई त्यसमा खास चासो नरहेको भन्दा ठाडो जवाफ दिएका छन् ।

पछिल्लो १० वर्ष रोनाल्डो र मेस्सीले मात्र बालोन डी ओर जित्दै आएका छन् । दुवैले समान ५ पटक जितेका छन् । साधारण खेलाडीले अहिले पनि ती दुईलाई पछि पार्न कठिन देखिन्छ । तर, विश्व कप विजेता मध्ये कोही छनोटमा परेमा उपाधि दौड खुला हुने विश्वास लिएको छ ।

फ्रान्सलाई विश्व कप फाइनल सम्म पुर्याउन एमबाप्पेको भूमिका पनि महत्वपूर्ण हुँदै आएको छ । फ्रान्स र क्रोएसियाबीच शनिबार फाइनल हुँदैछ । पेरिस सेन्ट जर्मेनका फरवार्ड एमबाप्पले भने व्यक्तिगत अवार्डका बारेमा खासै महत्व दिदैनन् ।

मलाई त्यसमा खासै वास्ता छैन । म विश्व कप जित्न चाहन्छ । उपाधि लिएर सुत्न चाहन्छु, एमबाप्पले भने, म १९९८ मा जन्मेको हु । मैले उपाधिसहित खुसीयाली मनाएको देखेको छैन । फाइनलमा म आफ्नो सतप्रतिशत दिनेछु । हामी मैदानमा जस्तो सुकै मेहनत गर्न तयार छौं ।

बेल्जियमविरुद्ध सेमिफाइनलमा १–० को जितमा पनि एमबाप्पेको प्रदर्शन उच्च रहेको थियो । जारी विश्वकपमा ३ गोल गरिसकेका एमबाप्पे आफ्नो पुस्ताका उत्कृष्ट खेलाडीका रुपमा स्थापित भइसकेका छन् ।