मस्को (एजेन्सी) – विश्वकप २०१८ अन्तर्गत दोस्रो सेमिफाइनलमा आज इंग्ल्यान्ड र क्रोएसिया भिड्दै छन् । लुज्निकी स्टेडियममा खेलिने सो खेल नेपाली समयानुसार रातिको ११.४५ बजे सुरु हुने छ ।

इंग्ल्यान्डको सम्भावित सुरुवाती ११ –

गोलकिपर : जोर्डन पिकफोर्ड
डिफेन्डर : केरन ट्रिपियर, कायल वाकर, जोन स्टोन्स, ह्यारी म्याग्वाएर, एस्ली योङ
मिडफिल्डर : जोर्डन हेनडरसन, डेले अलि, जेसे लिन्गार्ड
फरवार्ड : ह्यारी केन, रहिम स्टेर्लिङ

इंग्ल्यान्डका लागि वाकर, अलि र योङ सामान्य घाइते रहेका थिए तर यस खेलमा भने उनीहरु फिट रहेका छन् । तर स्ट्राइकर जेमि भार्डि भने समयमा फिट हुने निश्चित छैन । जोर्डन हेनडर्सनलाई मिडफिल्डमा साथ दिन फाबियन डेल्फ वा एरिक डायर पनि रोजिन सक्छन् । हेनडर्सन आफैं सामान्य चोटिल छन् । तर उनी समयमै फिट हुने अपेक्षा गरिएकाले प्रशिक्षक ग्यारेथ साउथगेटले कुनै परिवर्तन नगर्ने देखिन्छ ।

यो इंग्ल्यान्ड टोली प्रतियोगिताको सबैभन्दा कान्छो टोलीमध्ये एक हो । सेट-पिस र गतिमा निर्भर इंग्ल्यान्ड टोलीलाई अहिलेसम्मको यात्रा तुलनात्मक रुपमा सहज नै थियो । तर क्रोएसियाको चुनौति भने इंग्ल्यान्डलाई कदापि सहज हुने छैन ।

क्रोएसियालाई हराउंदै इंग्ल्यान्डले फाइनलमा स्थान बनाउन सक्ला?