सेन्ट पिटर्सबर्ग (एजेन्सी) – विश्वकप २०१८ को पहिलो सेमिफाइनलमा आज युरोपका दुई बलिया राष्ट्र फ्रान्स र बेल्जियम भिड्दै छन् । सेन्ट पिटर्सबर्ग स्टेडियममा खेलिने सो खेल नेपाली समयअनुसार ११.४५ बजे सुरु हुनेछ ।

फ्रान्सका लागि सबै खेलाडी फिट रहेका छन् । अघिल्लो खेलमा प्रतिबन्धित रहेका ब्लेज माटुइडी यस खेलमा फर्किने छन् । फ्रान्स समूह ‘सी’को विजेता रहंदै अन्तिम १६ मा छनोट भएको थियो । त्यसपछि अर्जेन्टिनालाई ४-३ र उरुग्वेलाई २-० ले हराउंदै फ्रान्सले सेमिफाइनलमा स्थान बनाएको हो । फ्रान्सका लागि एन्टोइन ग्रिजम्यान र युवा खेलाडी किलियन एम्बाप्पेले समान ३-३ गोल गरेका छन् ।

अर्को तर्फ, बेल्जियमका लागि विङ ब्याक थोमस म्युनियर प्रतिबन्धित रहेका छन् । उनको स्थानमा नसिर चाड्ली खेल्न सक्छन् । समूह ‘जी’को विजेताका रुपमा प्रि-क्वाटरफाइनल प्रवेश गरेको बेल्जियमले अन्तिम १६ मा जापानलाई ३-२ ले हराएको थियो भने क्वाटरफाइनलमा ब्राजिललाई २-१ ले हराउंदै सेमिफाइनलमा स्थान बनाएको हो । बेल्जियमका लागि रोमेलु लुकाकुले सर्वाधिक ४ गोल गरेका छन् भने लयमा रहेका कप्तान एडेन हाजार्डले २ गोल गरेका छन् ।

फ्रान्स वा बेल्जियम – सेमिफाइनलमा कुन टोलीले जित हात पार्दै फाइनलमा स्थान बनाउने छ?