सेन्ट पिटर्सबर्ग (एजेन्सी) – आज राति लयमा रहेको बेल्जियमको टोली बलियो दाबेदार फ्रान्सको सामना गर्ने छ । सेन्ट पिटर्सबर्ग स्टेडियममा खेलिने सो खेल नेपाली समय अनुसार ११.४५ बजे सुरु हुने छ ।

बेल्जियमको सम्भावित सुरुवाती ११ यस प्रकारको छ:

डिफेन्स

गोलपोस्टको जिम्मा चेल्सीका अनुभवी गोलकिपर थिबो कोर्टुवाले सम्हाल्ने छन् । उनले ब्राजिल विरुद्ध केही आकर्षक बचाऊ गर्दै टोलीलाई जित दिलाएका थिए । त्यस्तै भिन्सेन्ट कम्पनी, टोबी एल्डरवेरल्ड र जान भर्टोङ्हेनले डिफेन्सको तीन स्थान ओगट्ने छन् भने बाकिं स्थान भने निश्चित छैन । नियमित विङ ब्याक थोमस म्युनियर प्रतिबन्धित हुंदा उनको स्थानमा को खेल्ने अनिश्चित छ ।

प्रतियोगिता भरी ३-४-३ को शैलीमा खेलेको बेल्जियम म्युनियरको अनुपस्थितिमा ४-३-३ को शैली अप्नाई नसेर चाड्लीलाई दायां डिफेन्समा खेलाउन सक्ने छन् । बेल्जियमको यो भाग कमजोरी बन्ने देखिन्छ र फ्रान्स यसको फाइदा उठाउन खोज्ने अवश्य छ ।

मिडफिल्ड

बेल्जियमले प्रतियोगिताभरी अलेक्स विटसेल र केभिन डि ब्रुयनलाई मिडफिल्डमा उतार्दै विङ ब्याकको प्रणालीमा खेलेको थियो । तर ब्राजिल विरुद्धको खेलमा मरोएने फेलाइनीले विटसेलको साथ दिंदै सफलता हात पारेका थिए । ४-३-३ को शैलीमा उत्रे बेल्जियमले मुसा डेम्बेले वा युरी टालेमान्सलाई मिडफिल्डमा उतार्ने छन् ।

फरवार्ड

प्रतियोगिताका सुरुका खेलहरुमा नेपोलीका ड्राइस मर्टेन्सले एडेन हाजार्ड र रोमेलु लुकाकुलाई साथ दिएका थिए । तर ब्राजिल विरुद्धको खेलमा लुकाकुले दायां हाजार्डले बायां र डि ब्रुयन ‘फल्स ९’ का रुपमा उत्रेका थिए । जुन शैलीका कारण ब्राजिल स्तब्ध बन्न पुग्यो । आज पनि फरवार्ड लाइनमा लुकाकु, हाजार्ड र डि ब्रुयनले फ्रान्सको डिफेन्सलाई सताउने पक्का रहेको छ ।

सम्भावित ११

गोलकिपर: थिबो कोर्टुवा
डिफेन्डर: जान भर्टोन्घेन, भिन्सेन्ट कम्पनी, टोबी एल्डरवेरल्ड, नसिर चाड्ली
मिडफिल्ड: एलेक्स विटसेल, मोरोएनी फेलाइनी, मुसा डेम्बेले
फरवार्ड: रोमेलु लुकाकु, केभिन डि ब्रुयन, एडेन हाजार्ड

डिफेन्डर थोमस म्युनियरको अभाव बेल्जियमलाई खड्किने पक्का छ तर उनको विकल्पमा पनि प्रतिभावान् खेलाडीहरुसंग भएकाले बेल्जियमलाई आत्तिनुपर्ने अवस्था छैन ।

के बेल्जियमले फ्रान्सलाई यस खेलमा हराउला?