म्याड्रिड (एजेन्सी) – रियल म्याड्रिड तथा पोर्चुगलका सुपरस्टार क्रिस्टियानो रोनाल्डो रियल म्याड्रिड छोड्दै इटालियन क्लब युभेन्टस जाने पक्का जस्तै भएको छ । रोनाल्डोलाई युभेन्टसले १ सय मिलियन युरोमा किन्ने र उनले वार्षिक ३० मिलियन कमाउने जनाइएको छ ।

यस्तोमा क्लबले रोनाल्डोको विकल्प सोच्नु पनि बुद्धिमानी नै हो । हालै गरिएको ‘अनलाइन पोल’मा सोही प्रश्न रियल म्याड्रिडका समर्थकहरुलाई सोधिएको थियो – ” रोनाल्डोको स्थानमा को चाहनु हुन्छ ?” त्यस प्रश्नको उत्तरमा एक नाम ज्यादै चुनियो – ब्राजिल तथा पिएसजीका स्टार नेयमार ।

लगभग ९० प्रतिशत समर्थहरुले नेयमारको नाम चुने भने चेल्सीका एडेन हाजार्ड र पिएसजीकै किलियन एम्बाप्पे अन्य रोजाई रहेको थियो ।बार्सिलोनाबाट अघिल्लो सिजन पिएसजी आएका नेयमारको रियल जाने हल्ला पनि चलिरहेकै छ तर उनी आफैले भने पिएसजीमै बस्ने संकेत दिएका थिए । विश्वकपमा नेयमारको प्रदर्शन भने सामान्य मात्र रहन सक्यो ।

अर्को तर्फ, विश्वकपमा राम्रो नाम कमाइरहेका एम्बाप्पे दोस्रो महंगो खेलाडीका रुपमा पिएसजीसंग अनुबन्धित हुंदै छन् । त्यस्तोमा चेल्सीका हाजार्ड रियलका लागि बलिया विकल्प हुन सक्छन् । बेल्जियमको कप्तान समेत रहेका हाजार्डले विश्वकपमा आकर्षक प्रदर्शन गरिरहेका छन् ।