सामारा (एजेन्सी) – विश्वकप २०१८ अन्तर्गत तेस्रो सेमिफाइनलमा आज बेलुका इंग्ल्यान्ड र स्विडेन भिड्दै छन् । नेपाली समयअनुसार सो खेल बेलुकाको ७.४५ बजे सुरु हुने छ ।

समूह ‘जी’ को उपविजेता रहेको इंग्ल्यान्डले क्वाटरफाइनलमा कोलम्बियालाई हराउन सफल रहेको हो । १ सय २० मिनेटको खेल खेलेका कारण इंग्ल्यान्डका केही खेलाडीहरुमा सामान्य फिटनेसको समस्या देखिएको छ । जेमि भार्डि, एस्लि योङ, डेले अलि र कायल वाल्कर सामान्य घाइते रहेका छन् ।

त्यस्तै स्विडेनका लागि भरपर्दा डिफेन्डर मिकेल लस्टिग प्रतिबन्धित रहेका छन् । त्यस्तै मिडफिल्डमा सेबास्टियन लार्सन फर्किने छन् भने जिमि डुर्माज पनि सामान्य घाइते रहेका छन् । समूह ‘एफ’ को विजेताका रुपमा अन्तिम १६ मा प्रवेश गरेको स्विडेनले स्विट्जरल्यान्डलाई १-० ले पराजित गर्न सफल रहेको थियो ।

यस प्रतियोगितामा स्विडेनले ४ क्लिन सिट राख्न सफल भएको छ । अर्को तर्फ, इंग्ल्यान्डका स्ट्राइकर तथा कप्तान ह्यारी केन ६ गोल सहित प्रतियोगिताकै उच्च गोलकर्ता रहेका छन् । यस खेललाई स्विडेनको रक्षापंक्ति विरुद्ध केन सम्मिलित इंग्ल्यान्डको अग्रपंक्तिको हेर्न लायक प्रतिस्पर्धाका रुपमा हेरिएको छ ।

तपाईंको अनुमानमा यस खेलमा कसले जित हात पार्ने छ ?