6 years ago
July 4, 2018
काठमाडौं (हाम्रो खेलकुद)– नेपाली राष्ट्रिय टोलीका गोलकिपर किरण चेम्जोङले माल्दिभ्सको टिसी स्पोर्टस्मा दोस्रो सिजन पनि सफल सुरुवात गरेका छन् । धिवेही प्रिमियर लिगमा लगातार दोस्रो खेल जित्ने क्रममा किरणको टोलीले बुधबार फेहिन्डो स्पोर्टस् क्लब (एफएससी) लाई ३–० ले पराजित गरेको छ।
किरण पहिलो रोजाइमा रहेको खेलमा टिसी स्पोर्टसका लागि अलि अस्फाकले २ र इब्राहिम माहुधी १ गोल गरेका थिए । गत शुक्रबार भएको खेलमा पहिलो खेलमा किरणको टोलीले निलान्डोलाई ६–१ ले हराएको थियो ।
किरणले यो सिजनका लागि टिसीमा लगातार दोस्रो बर्ष आबद्ध भएको बताएका छन् । ‘खाली बसिराखेको थिए । आइलिग पनि अहिले सुरु भएको छैन । यस्तोमा पुरानै क्लबबाट प्रस्ताव आयो,’ उनले हाम्रो खेलकुदसँग टेलिफोनमा भने, प्रस्ताव ठिकै लाग्यो, अनि आए । सुरुवात राम्रो भएको छ ।’
किरण भदौको पहिलो साता इन्डोनेसियामा हुने १८ औं एसियाली खेलकुदका लागि नेपाली युवा टोलीमा समेटिएका छन् । उनीसहित राष्ट्रिय टोलीका कप्तान विराज महर्जन र रोहित चन्द युवा टोलीमा परेका छन् । २३ वर्ष माथिका ३ खेलाडी एसियाड टोलीमा सामेल गर्न पाउने भएकाले उनीहरु युवा टोलीमा समेटिएका हुन् । एसियाड यू २३ ले प्रतिस्पर्धा गर्ने प्रतियोगिता हो ।
एसियाडका लागि माल्दिभ्सको लिग विश्राम दिएपछि किरण स्वदेश फर्कनेछन् । उनले भने, ‘अब तीन खेल पछि म फर्कनेछु , यो वर्षको सम्झौता रकम पनि खुलाउन नचाहेका उनले भने, पहिला भन्दा अझै राम्रो भएकोले आएको हु । ‘
October 13, 2024
काठमाडौं (हाम्रो खेलकुद)- यसै साता सुरु हुने महिला साफ च्याम्पियनसिपमा भाग लिन पाकिस्तानी टोली आइतवार बिहान काठमाडौं आइपुगेको छ । अखिल नेपाल फुटबल संघ (एन्फा) का सह महासचिव अरुणमान जोशी, प्रवक्ता सुरेश शाहलगायतले पाकिस्तानी टोलीलाई त्रिभुवन अन्तर्राष्ट्रिय विमानस्थलमा स्वागत गरेका थिए। दक्षिण एसियालीका ७ राष्ट्रका महिला टोलीको सहभागिता रहने साफ च्याम्पियनसिप बिहीवार त्रिपुरेश्वरस्थित दशरथ रंगशालामा […]
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]