पिटर्सबर्ग (एजेन्सी) – फिफा विश्वकप फुटबल अन्र्तगत आज प्रि–क्वार्टरफाइनलको सातौ खेलमा स्वीडेन र स्वीट्जरल्यान्डबीच प्रतिस्पर्धा हुदैछ । खेल सेन्ट पिटर्सबर्गस्थित एरिनामा मंगलबार नेपाली समय अनुसार साँझ ७ः४५ बजेपछि शुरु हुनेछ ।

स्वीडेन सन् १९९४ पछि पहिलोपटक अन्तिम ८ मा प्रवेश गर्ने योजनामा हुनेछ । त्यतिबेला स्वीडेनले तेस्रो स्थान हात पारेको थियो । त्यसयताका विश्वकपमा भने स्वीडेनले सम्झनयोग्य प्रदर्शन गर्न सकेको छैन । सर्वकालीन स्ट्राइकर जाल्टन इभ्राहिमोभिच रहँदा पनि टिमले २०१० र २०१४ को विश्वकपमा छनोट नै हुन सकेन ।

अहिले इभ्राहिमोभिच टिममा छैनन् । तर, स्वीडेनले गज्जबको प्रदर्शन गरिरहेको छ । तर, दोहोरो पहेलो कार्डको कारण स्वीडेनले कप्तानसहित ४ खेलाडीलाई स्वीट्जरल्यान्डविरुद्धको खेलमा गुमाउनेछ । कप्तान स्टेफन लिच्स्टेनर, जेन्डी एन्डरसन सेबास्टियन लार्सन र फावियन सेचरलाई स्वीडेनले गुमाउनेछ । यो टिमको लागि दुर्भाग्य हुनेछ ।

तर, टिममा उच्च प्रदर्शन गरिरहेका आन्द्रेस ग्राङ्भिष्ट, जोन गुइडेट्टी र मार्कुस वर्गले टिमलाई हारबाट जोगाउन सक्नेछ । स्वीडेन समूह ‘एफ’ को समूह विजेता हो । दक्षिण कोरियालाई १–० ले पराजित गरेर अघि बढेको स्वीडेन विश्वविजेता जर्मनीसँग २–१ ले पराजित भएपनि समूह चरणको अन्तम खेलमा मेक्सिको माथि ३–० को प्रभावशाली जित निकालेको थियो । त्यसैले पनि स्वीडेनले स्वीट्जरल्यान्डविरुद्ध उच्च प्रदर्शन गर्ने योजनामा हुनेछ ।

यता, स्वीट्जरल्यान्ड स्वीडेनलाई पराजित गर्दै अघि बढ्ने योजनामा हुनेछ । स्वीडेनका नियमित ४ खेलाडी टिममा नरहनु पनि स्वीट्जरल्यान्डका लागि फाइदा हुनेछ । यसको फाइदा स्वीट्जरल्यान्डले उठाउन सक्नेछ । जरदान साकिरी, जाकाजस्ता खेलाडीहरुले टिमको नतिजामा फेरबदल राख्न सक्नेछ । स्वीडेन ब्राजिल रहेको समूह ‘ईं’ बाट उपविजेताको रुपमा अघि बढेको हो ।

स्वीट्जरल्यान्डले यसअघिका तीन संस्करणमा सहभागिता जनाएपनि अन्तिम १६ भन्दा अघि बढ्न सकेको छैन । त्यसैले यसपटक स्वीट्जरल्यान्डलाई प्रि–क्वार्टरफाइनलभन्दा अघि बढ्ने मौका छ । यी दुई टिम १३ पटक आमने सामने भएका छन् । दुवै टिमले समान ५–५ जित र हार तथा ३ खेल बराबरीमा सकिएको छ । त्यसैले पनि यी दुई टिमको खेल निकै रोमाञ्चक र प्रतिस्पर्धात्मक हुने अनुमान गरिएको छ ।