6 years ago
July 1, 2018
मस्को (एजेन्सी) – रसियामा जारी फिफा विश्वकप फुटबलको नकआउट चरणको तेस्रो खेलमा आयोजक रसियाले एकपटकको च्याम्पियन स्पेनको सामना गर्दैछ । खेल नेपाली समयअनुसार साँझ ७ः४५ बजे मस्कोस्थित लुज्निकी स्टेडियममा हुनेछ ।
स्पेन समूह ‘बी’ को विजेता हो भने आयोजक रसिया समूह ‘ए’ को उपविजेता टिम हो । समूह चरणको दुई खेलमा उत्कृष्ट प्रदर्शन गरेको रसिया स्पेनको चुनौती पन्छाउदै नकआउट चरण पुग्ने योजनामा हुनेछ । यस्तोमा घरेलु टोलीलाई घरेलु समर्थक र मैदानको साथ हुने गर्दछ ।
१९३० देखि ९० सम्म सोभियत संघको नामबाट खेलेको रसियाले त्यसपछिका तीन विश्वकपमा समूह चरण पार गर्न नसकेपनि यसपटक भने समूह चरण पार गर्न सफल भएको हो । समूह चरण पार गरेर हौसिएको रसिया स्पेनलाई पनि स्तब्ध पार्दै क्वार्टरफाइनल पुग्ने योजनामा हुनेछ ।
अघिल्ला दुई खेलमा उच्च प्रदर्शन गरेको रसिया समूह चरणको अन्तिम खेलमा १० खेलाडीमा समेटिएपछि उरुग्वेसँगको खेलमा ३–० ले पराजित हुन पुगेको थियो ।
रसियाका मुख्य प्रशिक्षक स्टानिस्लाभ चेरेसेभले स्पेनले विश्वकपमा कसरी खेलिरहेको छ, त्यसबारे जानकारी आफु जानकार रहेकाले सचेत भएर खेल्ने बताएका छन् । ‘हामीले स्पेनलाई पराजित गर्न पक्कै पनि गाह्रो हुनेछ । तर, हामी हाम्रो तर्फबाट सक्दो प्रयास गर्नेछौं ।’
प्रशिक्षक चेरेसेभले फिफा टिभीसँग भनेका छन्, ‘हामीले बर्खास्त भएका प्रशिक्षक जुलेन लोप्टेगोईको प्रशिक्षणमा रहेको स्पेनसँग खेलेका थियौं । अब हामी नयाँ प्रशिक्षक फर्नान्डो हिएरोको प्रशिक्षणमा रहेका स्पेनसँग खेल्दैछौं । केही परिवर्तन देखेको छु । हामीले जित्न पनि सक्छौं ।’ यस्तै प्रशिक्षक चेरेसेभले स्पेनले समूह चरणमा तुलनात्मक रुपमा कमजोर ठानिएको मोरक्को र इरानसँग संघर्ष गर्नुपरेको भन्दै रसियाले पनि स्पेनलाई चुनौती दिन सक्षम रहेको बताए ।
उनले टिमले स्पेनविरुद्ध रक्षात्मक खेल्दै काउन्टर अट्याकमा ध्यान दिने पनि बताएका छन् । रसियाका एलेकसान्डर गोलोभिन टिमको प्रशिक्षणमा फर्किएका छन् । रातो कार्डका कारण इगर स्मोलोनीकोभले स्पेनविरुद्धको खेल गुमाउनेछन् ।
यता स्पेनले २०१० को विश्वकप जितेपछि विश्वकपमा पहिलो पटक नकआउट खेल्दै छ । विश्वविजेता स्पेन २०१४ को विश्वकपमा भने समूह चरणबाटै बाहिरिएको थियो । स्पेनको घरेलु टोलीविरुद्धको प्रदर्शन भने राम्रो रहेको छैन ।
स्पेनसँग अग्रपङ्ति र मिडफिल्ड चुस्त रहेपनि गोलरक्षक र डिफेनसमा भने कमजोरी देखिएको छ । यसमा सुधार गर्न सके स्पेनले क्वार्टरफाइनल यात्रा तय गर्नेछ । विश्वस्तरका डिफेन्डर सर्जियो रामोस र जेरार्ड पिके टिममा रहेपनि उनीहरूले उल्लेख्य प्रदर्शन गर्न सकिरहेका छैनन् ।
मोरक्कोसँग बराबरीमा रोकिएको खेलमा गोल गरेका इगो आसपासले टिममा स्थान बनाउदा अग्रपङ्ति बलियो बनेको छ । इंग्लिस क्लब म्यानचेस्टर युनाइटेडमा उच्च प्रदर्शन गरिरहेका गोलरक्षक डेभिड डि जियाले राम्रो प्रदर्शन गर्न सकेका छैन । यो स्पनेको लागि घातक हुन सक्नेछ ।
स्पेन र रसिया अहिलेसम्म ६ पटक आमनेसमाने भएका छन् । जसमध्ये स्पेनले चार खेलमा जित हात पार्दै दुई खेल बराबरीमा सकिएको थियो । पछिल्लो पटक यि दुई टिमले २०१७ को मैत्रीपूर्ण खेलमा ३–३ गोलको बराबरी खेलेको थियो । २–० ले पछि परेको अवस्थामा रसियाले खेलमा फर्कदै स्पेनलाई बराबरीमा रोक्न सफल भएको थियो ।
September 21, 2024
काठमाडौं (हाम्रो खेलकुद) – एन्फा महिला लिग,मा अपराजित विभागीय टोली नेपाल पुलिस क्लबले शनिवार वालिङ नगरपालिकासँग खेल्दैछ । लिगमा शनिवार हुने दोस्रो खेलमा पुलिस र वालिङ खेल्दैछन् । दशरथ रंगशालामा खेल दिउँसो ३ः३० बजे सुरु हुनेछ । पुलिस र वालिङको समान ६ खेलमा समान १२ अंक छ । गोलअन्तरले। पुलिस तेस्रो र वालिङ चौथो स्थानमा […]
September 21, 2024
एजेन्सी – साउदी प्रो लिगमा अल नासरले आफ्नो अपराजित यात्रा कायमै राखेको छ । चौथो खेलमा दोस्रो जित निकाल्नेक्रममा नासरले शुक्रवार अल इत्तिफाकलाई ३-० गोल अन्तरले पराजित गर्यो । नासरलाई जित दिलाउन क्रिस्टियानो रोनाल्डो, एन्डसन टलिस्का र सलिम अलनाज्दिले समान १ गोल गरे । नासरका लागि रोनाल्डोले ३३औं मिनेटमा पेनाल्टीमार्फत गोल गर्दै अग्रता दिलाए । […]
September 20, 2024
सुशील पन्त क्षेत्री,चितवन प्रतिस्पर्धात्मक खेलमा राइजिङ स्टार भुमहीलाई पराजित गर्दै आयोजक हानामी भरतपुर फुटबल क्लब (बिएफसी) गोल्डेन इमिनेन्ट दोस्रो चितवन गोल्डकपको क्वाटरफाइनलमा प्रवेश गरेको छ । नेपाल प्रहरी शिक्षालयको मैदानमा आज भएको खेलमा बिएफसीले राइजिङलाई ३-२ ले हरायो । बिएफसीको जितमा राज भुसालले २ तथा सन्जीब बिष्टले १ गोल गरे । राङजिङ स्टारका फागुराम थारु […]