काजान (एजेन्सी)– अर्जेन्टिनाका एन्जल डि मारिया टोलीका सुपर स्टार लियोन मेस्सी अरु खेलाडी भन्दा फरक मान्छन् । मेस्सी, मारिया सम्मिलित टोलीले आज विश्व कप प्रि क्वार्टरफाइनलमा फ्रान्सको सामना गर्दैछ । मेस्सीले कसरी आफ्नो खेलमा स्तरीयता ल्याउँदै गएको भन्ने अनुभव पनि मारियाले खुलाएका छन् ।

‘सन् २००८ को ओलम्पिकले खेल पुरै जीवनमा परिवर्तन ल्यायो । मैले बेन्फिकाबाट खेल्न सुरु गरेको पनि थिइन । अर्जेन्टिना टोलीमा मलाई बोलाइयो,’ उनले भने, म त्यो कहिल्यै बिर्सिन्न । त्यहि प्रतियोगिताले मलाई प्रतिभावान मेस्सीसँग खेल्ने मौका थियो । मैले अहिले सम्म खेलेको मध्ये त्यति बेला सबैभन्दा आनन्द महसुस गरेको थिए ।’

उनले आफ्नो र मेस्सीका बारेमा सुनाए, ‘म खाली ठाँउ निकाल्ने कोशिस गर्दै दौडन्थे । जति बेला म दौडन्थे । जादु जस्तै बल मेरो खुट्टामा आउथ्यो । मेस्सीको त्यति नै दायाँ बायाँ हेर्थे जति हामीले हेर्छौ । तर उनीसँग बेग्लै क्षमता पनि छ । उनी तिर देख्न सक्छन् । एउटा चराले जस्तो । त्यो कसरी सम्भव छ , मलाई थाहा छैन ।’

लियोन मेस्सीले पहिलो गोल गरेको खेलमा नाइजेरियालाई २–१ ले हराउँदै अर्जेन्टिना विश्व कपको नकआउट चरणमा पुगेको थियो । त्यसअघि टोली पहिलो खेलमा आइसल्यान्डसँग बराबरीमा रोकिएको थियो भने क्रोएसियासँग ३–० ले पराजित भएको थियो ।

अर्जेन्टिनाका प्रशिक्षक जर्ज साम्पोलीले आज मेस्सीसँग मारियालाई फ्रान्सको रक्षापक्ति तोड्ने जिम्मा दिएका छन् ।