सोची (एजेन्सी)– पाँच पटकको विश्व कप विजेता ब्राजिलले प्रि क्वार्टरफाइनलमा सोमबार मेक्सिकोको सामना गर्दैछ । टोलीले त्यसका लागि शुक्रबार अभ्यास गरेको छ । ब्राजिलियन टोलीको अभ्यास चलिरहँदा त्यहाँ मुख्य आकर्षण र विशेष अतिथि थिए सुपर स्टार नेयमारका छोरा डेभिड लुका डा सिल्भा साान्तोष ।

नेयमार टोलीसँग अभ्यास गरिरहँदा उनका छोरा बाबुको अभ्यास हेरिरहेका थिए । छोरा  साान्तोषको उपस्थितिले नेयमार पनि रमाइरहेका थिए । सान्तोषले धर्यतापूर्वक बाबुको खेल कौशल नियाली रहेका थिए ।

अभ्यासको विश्रामका समयमा भने नेयमार छोरालाई हेर्न गइरहन्थे । अगस्टमा सातौं वर्षमा लाग्ने सान्तोष ब्राजिलिय टोली रसिया विश्व कपको अवे जर्सीमा थिए । समूह चरणको विजेताका रुपमा ब्राजिल अन्तिम १६ मा पुगेको थियो । पहिलो खेलमा स्विट्जरल्यान्डसँग १–१ को बराबरीमा रोकिएको टोलीले अर्को दुई खेलमा कोस्टा रिका र सर्बियालाई समान २–० ले हराएको थियो ।

यद्दपी लामो समयपछि विश्व कपको केहि अघि मात्र मैदान फर्केका नेयमार अझै आफ्नो लयमा देखिन सकेका छ्रैनन् । इङ्ल्यान्डका ह्यारी केन, पोर्चुगलका कप्तान क्रिस्टियानो रोनाल्डो, बेल्जियमका रोमेलु लुकाकु जस्तो फर्ममा नेयमार अझै देखिएका छैनन् । नेयमारले समूह चरणमा कोस्टा रियकाविरुद्ध एक गोल गरेका थिए । जबकी केनले ५ तथा रोनाल्डो र लुकाकुले समान ४ गोल गरिसकेको छन् ।