काठमाडौं (हाम्रो खेलकुद) – मोफसलको रमपम झापा–११ र ललितपुरको च्यासल युथ क्लब राजधानीमा जारी तेस्रो ललित स्मृति यु–१८ फुटबल प्रतियोगिताको सेमिफाइनलमा प्रवेश गरेका छन् ।

प्रतियोगिता अन्र्तगत आज भएको खेलमा झापाले एपिएफलाई तथा च्यासलले संकटालाई समान ३–० को गोल अन्तरले पराजित गर्दै अन्तिम आठमा पुग्न सफल भएको हो । झापा समूह विजेता तथा च्यासल समूह उपविजेताको रुपमा अघि बढेको हो ।

सातदोबाटोस्थित एन्फा कम्प्लेक्समा शुक्रबार भएको खेलमा झापालाई सहज जित दिलाउन सन्तोष दाहालले ११ औं मिनेट, एलोन राईले ५८ औं मिनेट र रोमन भुजेलले ६५ औं मिनेटमा गोल गरे । एपिएफले झापाविरुद्ध पनि राम्रो खेल्न सकेन ।

श्ुक्रबारै भएको अर्काे खेलमा च्यासल युथ क्लबले संकटालाई ३–० ले पराजित गर्द शेरभ तामाङले दुई तथा अनिश कार्कीले एक गोल गरे । च्यासलले खेलको ९ औ मिनेटमा अनिष कार्कीको गोलमार्फत अग्रता लिएको थियो । ३९ औ मिनेटमा शेषभ तामाङले गोल गर्दै च्यासललाई पहिलो हाफमा २–० को अग्रता दिलाए । ५० औँ मिनेटमा शेरभले आफ्नो ब्यक्तिगत दोस्रो गोल गर्दै च्यासलको जित सुनिश्चित गरे ।

क्वार्टरफाइनलका खेलहरु आइतबारबाट शुरु हुनेछ । क्वार्टरफाइनलमा मोरङले च्यासल, झापाले ब्रिगेड ब्वाइज, आर्मीले हिमालयन शेर्पा र फ्रेन्डस्ले लुम्बिनीको सामना गर्नेछ ।