6 years ago
June 29, 2018
मस्को ( एजेन्सी) – रसियामा जारी फिफा विश्वकपमा समूह चरणका खेल समाप्त भइसकेका छन् । ४८ खेल सकिँदा सहभागी ३२ टोली मध्ये आधा टोली घर फर्केका छन् । साविक विजेता तथा ४ पटकको विश्वकप जितेको जर्मनी समूह चरणबाटै बाहिरिनु यस पटक विश्वकपको सबैभन्दा अप्रत्यासित नतिजा रह्यो ।
मेक्सिको, स्वीडेन, दक्षिण कोरिया रहेको समूहमा जर्मनी दुई खेल हार्दै समूहको पूछारमा रहँदै घर फर्केको हो । यस्तै युरोपको अर्को राम्रो टोली मानिएको पोल्याण्ड पनि समूह चरणबाट अगाडि बढ्न सकेन ।
सर्वा्धिक ५ पटकको विजेता ब्राजिल, २ पटकको विजेता अर्जेन्टिनाले अन्तिम खेल जित्दै अन्तिम १६ मा स्थान बनाए भने आयोजक रसियासहित उरुग्वे, फ्रान्स, इंग्ल्याण्ड र बेल्जियमले समूह चरणको एक खेल अघि नै अन्तिम १६ मा स्थान पक्का गरिसकेको थियो। अब शनिबारबाट नटआउट चरणका खेलहरु सुरु हुनेछन् ।
प्रिक्वाटरफाइनलमा सबैभन्दा प्रतिक्षा गरिएको खेल दुई पूर्व च्याम्पियन अर्जेन्टिनार फ्रान्सबीच हुनेछ । नाइजेरियासँगको अन्तिम खेलमा बराबरी वा हारको नतिजाले
अर्जेन्टिना समह चरणबाटै बाहिरिने थियो । तर जित हासिल गर्दै समूह ‘डी’को उपविजेता बन्दै समूह ‘सी’ को विजेता फ्रान्ससँग भेट पक्का गरेको हो ।
यस्तै दुई पटकको विजेता उरुग्वे र पोर्चुगलबीचको खेल पनि हेर्न लायक हुनेछ । प्रिक्वाटरफाइनलमा युरोपबाट सबैभन्दा धेरै १० टोली छन् भने दक्षिण अमेरिकाबाट ४ तथा उत्तर अमेरिका र एसियाबाट एक एक टोली छन् । पछिल्लो ३६ वर्षमा अफ्रिकाबाट भने कुनै पनि टोली अन्तिम १६ मा पुग्न सकेन ।
अन्तिम १६ मा पुग्ने टोली- उरुग्वे, रसिया, स्पेन, पोर्चुगल, फ्रान्स, डेनमार्क, क्रोएसिया, अर्जेन्टिना, ब्राजिल, स्वीट्जरल्याण्ड, स्वीडेन, मेक्सिको, बेल्जियम, इंगल्याण्ड, कोलम्बिया र जापान
प्रिक्वार्टरफाइनल समिकरण
असार १६ गते
समूह ‘सी’ विजेता (फ्रान्स) विरुद्ध समूह ‘डी’ उपविजेता (अर्जेन्टिना) ७ः४५ बजे
समूह ‘ए’ विजेता (उरुग्वे) विरुद्ध समूह ‘बी’ उपविजेता (पोर्चुगल) ( ११ः४५ बजे
असार १७ गते
समूह ‘बी’ विजेता (स्पेन) विरुद्ध समूह ‘ए’ उपविजेता (रसिया) ७ः४५ बजे
समूह ‘डी’ विजेता (क्रोसिया) विरुद्ध समूह ‘सी’ उपविजेता (डेनमार्क) ११ः४५ बजे
असार १८ गते
समूह ‘ई’ विजेता (ब्राजिल) विरुद्ध समूह ‘एफ’ उपविजेता (मेक्सिको) ७ः४५ बजे
समूह ‘जी’ विजेता (बेल्जियम) विरुद्ध समूह ‘एच’ उपविजेता (जापान) ११ः४५ बजे
असार १९ गते
समूह ‘एफ’ विजेता (स्वीडेन) विरुद्ध समूह ‘ई’ उपविजेता (स्वीट्जरल्याण्ड) ७ः४५ बजे
समूह ‘एच’ विजेता (कोलम्बिया) विरुद्ध समूह ‘जी’ उपविजेता (इङ्ल्याण्ड) ११ः४५ बजे
September 21, 2024
एजेन्सी – साउदी प्रो लिगमा अल नासरले आफ्नो अपराजित यात्रा कायमै राखेको छ । चौथो खेलमा दोस्रो जित निकाल्नेक्रममा नासरले शुक्रवार अल इत्तिफाकलाई ३-० गोल अन्तरले पराजित गर्यो । नासरलाई जित दिलाउन क्रिस्टियानो रोनाल्डो, एन्डसन टलिस्का र सलिम अलनाज्दिले समान १ गोल गरे । नासरका लागि रोनाल्डोले ३३औं मिनेटमा पेनाल्टीमार्फत गोल गर्दै अग्रता दिलाए । […]
September 20, 2024
सुशील पन्त क्षेत्री,चितवन प्रतिस्पर्धात्मक खेलमा राइजिङ स्टार भुमहीलाई पराजित गर्दै आयोजक हानामी भरतपुर फुटबल क्लब (बिएफसी) गोल्डेन इमिनेन्ट दोस्रो चितवन गोल्डकपको क्वाटरफाइनलमा प्रवेश गरेको छ । नेपाल प्रहरी शिक्षालयको मैदानमा आज भएको खेलमा बिएफसीले राइजिङलाई ३-२ ले हरायो । बिएफसीको जितमा राज भुसालले २ तथा सन्जीब बिष्टले १ गोल गरे । राङजिङ स्टारका फागुराम थारु […]
September 20, 2024
सुमन अधिकारी, बुटवललिस्नु युवा क्लब रुपन्देहीमा जारी ३६ औं झरना रनिङ शिल्ड फुटबल प्रतियोगिताको क्वाटरफाईनलमा प्रवेश गरेको छ । स्वर्गिय खगी गुरुङसेनीको पुण्य स्मृतिमा झरना स्पोर्टस क्लबको आयोजनामा जारी प्रतियोगिताको तेस्रो दिन शुक्रवार सुनौलो संगम युवा क्लबलाई ४-० ले पराजित गर्दै लिस्नु समुह एबाट अन्तिम ८ मा पुग्ने पहिलो टोली बनेको छ । लिस्नुलाई जित […]