कलिनइनग्राड (एजेन्सी) – उपाधिको दाबेदार इङ्ल्यान्ड र बेल्जियमले यसपटक विश्व कपको एउटै समूहमा रहेर दमदार शुरुवात गरेका थिए । विपक्षी टिमविरुद्ध ८ गोल अनि दुई गोल खानु । इङ्ल्यान्डमा ह्यारी केन र बेल्जियममा रोमेलु लुकाकुको उच्च प्रदर्शन । यही समान विशेषता भएको इङ्ल्यान्ड र बेल्जियमबीच को अब्बल भन्ने अग्निपरीक्षा आज राति हुदैछ । खेल कलिनइनग्राडस्थित एरिनामा राति ११ः४५ बजेछि हुनेछ ।

समूह चरणको पहिलो खेलमा इङ्ल्यान्डले ट्युनिसियामाथि २–१ को कठिन जित दर्ता गर्दा विश्वकपमा नवप्रवेशी पानामा माथि ६–१ को फराकिलो जित निकाल्दै बलियो दाबेदारी पेश ग¥यो । यो खेलमा इङ्ल्यान्डका कप्तान ह्यारी केनले कीर्तिमानी ह्याट्रिक पूरा गरेका थिए । यही समूहमा रहेको बेल्जियमले पहिलो खेलमा पानामामाथि ३–० को सहज जित निकाल्दा ट्युनिसियामाथि ५–२ को सहज जित निकाल्दै समूहमा आफु पनि बलियो रहेको दावेदारिता प्रस्तुत गरे ।

यसैले यि दुइ टिमबीचको खेल निकै रोमाञ्चक र प्रतिस्पर्धात्मक हुने अपेक्षा गरिएको छ । दुवै टोली अन्तिम १६ मा प्रवेश गरिसकेका कारण यि दुई टिमबीचको खेलले समूह विजेता निर्धारण गर्नेछ । बराबरीमा खेल टुंगिए इङ्ल्यान्ड समूह विजेताको रुपमा अघि बढ्दा बेल्जियम उपविजेता हुनेछ । अघिल्लो चरण प्रवेश गरिसकेका कारण दुवै टोली अपराजित रहने योजनामा हुनेछ ।

दुवै टोलीमा सबै पक्ष बलियो देखिएको छ । ह्यारी केन र रोमेलु लुकाकुले यसअघिका दुवै खेलमा दुई वा त्यो भन्दा भन्दा बढी गोल गरेका छन् । उच्च लयमा रहेको केन र लुकाकुमध्ये बिहिबारको खेलमा कसले गोल गर्ने हो त्यो भने हेर्न बाँकी छ । युवा खेलाडीहरुले भरिएको इङ्ल्यान्डलाई केनसँगै जेसे लिङ्गार्ड, मार्कुस रासफोर्ड र इरिक ड्रियर टिमको लागि बलियो पक्ष हुनेछ । डेल अलीको चोट इङ्ल्यान्डलाई घातक बन्न सक्नेछ ।

यि दुई टिम अहिलेसम्म ६ पटक आमनेसामने हुदा इङ्ल्यान्ड नै हावी देखिएको छ । ४ खेल बराबरीमा सकिदा दुई खेलमा इङ्ल्यान्ड विजयी भएको छ । इङ्ल्यान्ड यही प्रदर्शनलाई निरन्तरता दिने लक्ष्यमा हुनेछ भने, बेल्जियम इङ्ल्यान्डसँगको हारको श्रृङ्खलालाई तोड्ने योजनामा हुनेछ । १९५४ को विश्वकपमा यि दुई टिमले अतिरिक्त समयमा ४–४ गोलको बराबरी खेलेको थियो ।

१९८० को युरोकपमा १–१ गोलको बराबरी खेलेका थिए । १९९० को विश्वकप र १९९८ को मैत्रीपूर्ण खेल भने गोलरहित बराबरीमा सकिएको थियो । त्यसयताका दुवै भेटमा इङ्ल्यान्डले बाजी मारेको थियो । पछिल्लोपटक यि दुई टिमले २०१२ मा मैत्रीपूर्ण खेलमा इंग्ल्यान्ड १–० ले विजयी भएको थियो ।

यही समूहमा पानामा र ट्युनिसियाले प्रतिष्ठाको लागि अन्तिम खेल खेल्दैछ । नवप्रवेशी पानामा रसिया विश्वकपलाई यादगर बनाउन ट्युनिसियालाई पराजित गर्दै घर फर्कने योजनामा हुनेछ । यता, टयुनिसियापनि अन्तिम खलमा जित हात पार्ने लक्ष्यमा रहनेछ ।