6 years ago
June 28, 2018
भोल्गोग्राड (एजेन्सी) – एसियाली राष्ट्र जापान रूसमा जारी फिफा विश्वकप फुटबलको प्रि–क्वार्टरफाइनल नजिक छ । समूह ‘एच’ को शीर्षस्थानमा रहेको जापानले बिहिबार समूह चरणबाटै बाहिरिसकेको पोल्यान्डका सामना गर्नेछ । खेल भोल्गोग्राड एरिनामा साँझ ७ः४५ बजेपछि शुरु हुनेछ ।
पोल्यान्डविरुद्धको खेलमा बराबरीले पनि अन्तिम १६ मा प्रवेश गर्ने जापान अंक नगुमाउने योजनामा हुनेछ । समूह चरणको पहिलो खेलमा कोलम्बियालाई स्तब्ध पारेको जापानले सेनेगलविरुद्धको खेलमा दुईपटक पछि परेको अवस्थामा बराबरी गर्न सफल भएको थियो ।
बलियो प्रतिद्धन्द्धीहरुलाई रोक्न सफल जापान उच्च मनोबलमा रहेको छ । यही मनोबल पोल्यान्डविरुद्धको खेलमा रहने विश्वास गर्न सकिन्छ । पोल्यान्डविरुद्धको खेलमा अंक नगुमाउने योजना सफल भएमा जापान अघिल्लो चरणमा प्रवेश गर्ने एसियाको एक्लो टोली बन्नेछ ।
विश्वकपमा एसियाबाट प्रतिनिधित्व गरेका साउदी अरेविया, इरान, अष्ट्रेलिया र दक्षिण कोरिया प्रतियोगिताको समूह चरणबाटै बाहिरिसकेका छन् । पराजित भएको खण्डमा भने सेनेगल र कोलम्बियाको खेलको जापानको अघिल्लो यात्राको बाटो देखाउनेछ ।
बराबरीले पर्याप्त हुने भएपनि जापानी टिमका प्रशिक्षक एकिरा निसिनोले ३ अंककै लागि खेल्ने बताएका छन् । यता, जापानसँग पराजित भए पोल्यान्डको रसिया विश्वकपमा सबैभन्दा खराव प्रदर्शन हुनेछ ।
समूह ‘एच’ मै कोलम्बिया र सेनेगलले प्रतिस्पर्धा गर्दैछ । दुवै टोलीको अघिल्लो चरण पुग्ने लक्ष्य जीवितै रहेकाले दुवै टोली जितका लागि खेल्नेछ । समूहमा ४ अंक जोडेको सेनेगलाई बराबरी नै पर्याप्त हुनेछ ।
यता कोलम्बियालाई निशिचत जितको खाँचो छ । शीर्षस्थानको जापान र दोस्रो स्थानको सेनेगलको समान ४ र कोलम्बियाको ३ अंक छ । पोल्यान्ड २ खेलमा अंक विहिन छ ।
September 20, 2024
सुशील पन्त क्षेत्री,चितवन प्रतिस्पर्धात्मक खेलमा राइजिङ स्टार भुमहीलाई पराजित गर्दै आयोजक हानामी भरतपुर फुटबल क्लब (बिएफसी) गोल्डेन इमिनेन्ट दोस्रो चितवन गोल्डकपको क्वाटरफाइनलमा प्रवेश गरेको छ । नेपाल प्रहरी शिक्षालयको मैदानमा आज भएको खेलमा बिएफसीले राइजिङलाई ३-२ ले हरायो । बिएफसीको जितमा राज भुसालले २ तथा सन्जीब बिष्टले १ गोल गरे । राङजिङ स्टारका फागुराम थारु […]
September 20, 2024
सुमन अधिकारी, बुटवललिस्नु युवा क्लब रुपन्देहीमा जारी ३६ औं झरना रनिङ शिल्ड फुटबल प्रतियोगिताको क्वाटरफाईनलमा प्रवेश गरेको छ । स्वर्गिय खगी गुरुङसेनीको पुण्य स्मृतिमा झरना स्पोर्टस क्लबको आयोजनामा जारी प्रतियोगिताको तेस्रो दिन शुक्रवार सुनौलो संगम युवा क्लबलाई ४-० ले पराजित गर्दै लिस्नु समुह एबाट अन्तिम ८ मा पुग्ने पहिलो टोली बनेको छ । लिस्नुलाई जित […]
September 20, 2024
काठमाडौं(हाम्रो खेलकुद) – अमिशा कार्की र चन्द्रा भन्डारीले ह्याट्रिक गरेको एन्फा महिला लिगको खेलमा त्रिभुवन आर्मी क्लबले चन्द्रपुर नगरपालिकामाथि फराकिलो जित हात पारेको छ । सातौं खेलमा पाँचौ जित निकाल्ने क्रममा शुक्रवार आर्मीले चन्द्रपुरलाई १०-० ले पराजित गर्यो ।एन्फा कम्प्लेक्स सातदोबाटोमा भएको खेलमा आर्मीकस अमिशा र चन्द्रासँगै हिमा चौधरी, दिपा शाही, शर्मिला मगर र अन्जना […]