6 years ago
June 27, 2018
स्पार्कटाक (एजेन्सी)– कोष्टारिका समूह ‘ईं’ बाट बाहिरी सकेको छ । यस्तो अवस्थामा तीन टोलीमध्ये दुई टोली नकआउट चरणको संघारमा छन् । उपाधिको दाबेदार ब्राजिलले बुधबार राति सर्बियाको सामना गर्दैछ । खेल बुधबार राति ११ः४५ बजे स्पार्कटाक एरिनामा हुनेछ । ब्राजिल सर्बियालाई पराजित गर्दै समूह विजेता बनेर अन्तिम १६ मा प्रवेश गर्ने योजनामा हुनेछ ।
तर, ब्राजिलले सुरुवाती दुई खेलमा अपेक्षाकृत प्रदर्शन गर्न सकेको छैन । पहिलो खेलमा स्वीट्जरल्यान्डसँग १–१ को बराबरी खेलेको ब्राजिलले कोस्टारकाविरुद्धको दोस्रो खेलमा इन्जुरी समयमा दुई गोल गर्दै महत्वपूर्ण जित निकालेको थियो । समूह चरणमा चार अंक जोडेको ब्राजिललाई समूह विजेता बन्न निश्चित जित आवश्यक छ ।
सर्बियाले ब्राजिललाई पराजित ग¥यो र अर्को खेलमा स्वीट्जरल्यान्डले कोस्टारिकालाई पराजित गरे ब्राजिल विश्वकपको समुह चरणबाटै बाहिरने सम्भावना पनि छ । त्यसैले ब्राजिल सर्बियाविरुद्ध सचेत भएर खेल्नेछ । बराबरीले भने ब्राजिल अघि बढ्नेछ । सर्बियालाई ब्राजिलविरुद्धको खेलमा निश्चित जित आवश्यक छ ।
समूहमा कोस्टारिकालाई पराजित गरेर ३ अंक जोडेको सर्बिया ब्राजिललाई पराजित गरेर ६ अंक जोड्दै अघिल्लो चरणमा प्रवेश गर्ने योजनामा हुनेछ । स्वीट्जरल्यान्डविरुद्धको खेलमा अग्रता लिएर पनि सर्बिया २–१ ले पराजित भएको थियो ।
सर्बिया ब्राजिलविरुद्धको खेलमा अघिल्ला गल्तीलाई सच्याएर खेल्नेछ । पराजित भएको खण्डमा सर्बिया विश्वकपबाट बाहिरिनेछ । ब्राजिल र सर्बियाले अहिलेसम्म एकपटक खेलेका छन् । २०१४ मा भएको मैत्रीपूर्ण खेलमा ब्राजिल १–० ले विजयी भएको थियो ।
यता, स्वीट्जरल्यान्ड कोस्टारिकालाई पराजित गर्दै नकआउट चरणमा पुग्ने योजनामा हुनेछ । समूह चरणका दुवै खेलमा पछि परेर पनि स्वीट्जरल्यान्डले गोल गर्न सफल भएको थियो । यही प्रदर्शनले नै टिमको मनोबल उच्च बनाएको छ । सर्बियाले ब्राजिललाई पराजित गरेको खण्डमा कोस्टारिकासँग बराबरी खेलेपनि स्वीट्जरल्यान्ड अघिल्लो चरणमा प्रवेश गर्नेछ ।
यस्तै ब्राजिलले सर्बियालाई पराजित गरे स्वीट्जरल्यान्डले बराबरी खेलेपनि अघिल्लो चरण प्रवेश गर्नेछ । ब्राजिल पनि हार्ने आफु पनि पराजित भएको खण्ढमा स्वीट्जरल्यान्ड बाहिरने छ । त्यसैले अर्को चरण प्रवेशमा ढुक्क नरहेको स्वीट्जरल्यान्ड सकेसम्म अकं नगुमाउने रणनीतिमा खेल्नेछ । यि दुई टिमले दुई पटक प्रतिस्पर्धा गर्दै दुवै टिमले १–१ खेल जितेका छन् ।
September 20, 2024
सुशील पन्त क्षेत्री,चितवन प्रतिस्पर्धात्मक खेलमा राइजिङ स्टार भुमहीलाई पराजित गर्दै आयोजक हानामी भरतपुर फुटबल क्लब (बिएफसी) गोल्डेन इमिनेन्ट दोस्रो चितवन गोल्डकपको क्वाटरफाइनलमा प्रवेश गरेको छ । नेपाल प्रहरी शिक्षालयको मैदानमा आज भएको खेलमा बिएफसीले राइजिङलाई ३-२ ले हरायो । बिएफसीको जितमा राज भुसालले २ तथा सन्जीब बिष्टले १ गोल गरे । राङजिङ स्टारका फागुराम थारु […]
September 20, 2024
सुमन अधिकारी, बुटवललिस्नु युवा क्लब रुपन्देहीमा जारी ३६ औं झरना रनिङ शिल्ड फुटबल प्रतियोगिताको क्वाटरफाईनलमा प्रवेश गरेको छ । स्वर्गिय खगी गुरुङसेनीको पुण्य स्मृतिमा झरना स्पोर्टस क्लबको आयोजनामा जारी प्रतियोगिताको तेस्रो दिन शुक्रवार सुनौलो संगम युवा क्लबलाई ४-० ले पराजित गर्दै लिस्नु समुह एबाट अन्तिम ८ मा पुग्ने पहिलो टोली बनेको छ । लिस्नुलाई जित […]
September 20, 2024
काठमाडौं(हाम्रो खेलकुद) – अमिशा कार्की र चन्द्रा भन्डारीले ह्याट्रिक गरेको एन्फा महिला लिगको खेलमा त्रिभुवन आर्मी क्लबले चन्द्रपुर नगरपालिकामाथि फराकिलो जित हात पारेको छ । सातौं खेलमा पाँचौ जित निकाल्ने क्रममा शुक्रवार आर्मीले चन्द्रपुरलाई १०-० ले पराजित गर्यो ।एन्फा कम्प्लेक्स सातदोबाटोमा भएको खेलमा आर्मीकस अमिशा र चन्द्रासँगै हिमा चौधरी, दिपा शाही, शर्मिला मगर र अन्जना […]