6 years ago
June 27, 2018
कजान (एजेन्सी)– साविक विजेता जर्मनीलाई रसिया विश्व कपको नकआउट चरणमा पुग्न समूह चरणको अन्तिम खेलको नतिजा नै कुर्नुपर्ला भन्ने कमैको मात्र अनुमान रहेको हुन सक्छ । तर, समूह ‘एफ’ मा रहेको जर्मनी पहिलो खेलमै मेक्सिकोसँग १–० ले स्तब्ध भएपछि जर्मनीको दोस्रो चरण प्रवेशको सम्भावना न्युन बन्न पुगेको थियो ।
दोस्रो खेलम स्वीडेनमाथि २–१ को प्रतिस्पर्धात्मक जित निकालेपछि विजेता जर्मनी फेरि लामो यात्रामा फर्किएको अनुमान गरिएकोछ । इन्जुरी समयमा टोनी क्रुसले गोल नगरेको भए जर्मनी समूह चरणबाट नै घर फर्किने थियो । क्रुसले जर्मनीको उद्धार नै गरे ।
३ अंक जाडेको जर्मनीले बुधबार राति एसियाली प्रतिद्धन्द्धी दक्षिण कोरियाको सामना गर्दैछ । खेल कजान एरिनामा नेपाल समय अनुसार साँझ ७ः४५ बजे सुरु हुनेछ । अघिल्लो चरण प्रवेशको लागि जर्मनीले दक्षिण कोरियामाथि जित निकालेर मात्र पुग्दैन । अर्को खेलको नतिजाले पनि टोलीको अघिल्लो चरणको यात्रामा प्रभाव पार्नेछ ।
किनभने जर्मनी र दक्षिण कोरिया कजानमा प्रतिस्पर्धा गरिरहँदा सोही समयमा दोस्रो चरण नजिक रहेको मेक्सिको र स्वीडेनले खेल्नेछन् । यता, जर्मनी विजयी हुने र उता स्वीडेन विजयी भए गोल अन्तरको आधारमा एक टोली अघि बढ्नेछ । शीर्ष स्थानको मेक्सिकोको ६ अंक छ भने जर्मनी र स्वीडेनको समान ३ अंक छ । दक्षिण कोरिया अंक बिहिन छ ।
यस्तो अवस्थामा जर्मनी दक्षिण कोरियाविरुद्ध निश्चित जितकै लागि खेल्ने पक्का छ । यसअघिका दुवै खेलमा बलमा पकड बनाएर पनि जर्मनी फिनिसिङमा चुकिरहेको थियो । दक्षिण कोरियाविरुद्धको खेलमा फिनिसिङ समस्या सुधार गरे जर्मनी विजयी हुने पक्का छ ।
जर्मनीसँग विशवस्तरका थोमस मुलर, टोनी क्रुस, मेसुट ओजिल र मार्को रिउसजस्ता खेलाडीहरु छन् । तर, टिमलाई डिफेन्डर जेरेमी बोयटेङको अभाव खड्किन सक्छ । बोयटेङ अघिल्ला खेलमा रातो कार्ड पाएका कारण प्रतिबन्धमा रहनेछन् ।
यता, जर्मनीलाई स्तब्ध पार्दै दक्षिण कोरियाले अघिल्लो चरण प्रवेश गर्ने झिनो आशालाई जीवितै राख्ने योजनामा हुनेछ । समूहमा अंक जोड्न नसकेको कोरिया जर्मनीविरुद्धको खेलमा ३ अंक जोडेर समूह उपविजेता बनेर अघि बढ्न सक्छ । यसका लागि जर्मनीलाई भारी गोल अन्तरले तथा मेक्सिकोले स्वीडेनलाई पराजित गर्नुपर्ने हुन्छ । जुन असम्भव जस्तै छ । त्यसका लागि कोरियाले जर्मनीलाई कडा चुनौती दिनुपर्ने हुन्छ ।
जर्मनी र कोरिया अहिलेसम्म तीनपटक आमने समाने भएका छन् । जसमा दुई खेल जर्मनीले आफ्नो पक्षमा पार्दा एक खेल कोरियाले जित्न सफल भएको छ । १९९४ को विश्वकपमा जर्मनीले कोरियामाथि ३–२ को जित निकालेको थियो ।
२००२ को विश्वकपमा १–० को जित निकालेको जर्मनी २००४ को मैत्रीपूर्ण खेलमा कोरियासँग ३–१ ले पराजित भएको थियो । अहिले अवस्था फेरिएको छ। जर्मनी बलियो देखिएको छ भने कोरिया केही कमजोर देखिएपनि खेल प्रतिस्पर्धात्मक हुने अनुमान गरिएको छ ।
September 20, 2024
सुशील पन्त क्षेत्री,चितवन प्रतिस्पर्धात्मक खेलमा राइजिङ स्टार भुमहीलाई पराजित गर्दै आयोजक हानामी भरतपुर फुटबल क्लब (बिएफसी) गोल्डेन इमिनेन्ट दोस्रो चितवन गोल्डकपको क्वाटरफाइनलमा प्रवेश गरेको छ । नेपाल प्रहरी शिक्षालयको मैदानमा आज भएको खेलमा बिएफसीले राइजिङलाई ३-२ ले हरायो । बिएफसीको जितमा राज भुसालले २ तथा सन्जीब बिष्टले १ गोल गरे । राङजिङ स्टारका फागुराम थारु […]
September 20, 2024
सुमन अधिकारी, बुटवललिस्नु युवा क्लब रुपन्देहीमा जारी ३६ औं झरना रनिङ शिल्ड फुटबल प्रतियोगिताको क्वाटरफाईनलमा प्रवेश गरेको छ । स्वर्गिय खगी गुरुङसेनीको पुण्य स्मृतिमा झरना स्पोर्टस क्लबको आयोजनामा जारी प्रतियोगिताको तेस्रो दिन शुक्रवार सुनौलो संगम युवा क्लबलाई ४-० ले पराजित गर्दै लिस्नु समुह एबाट अन्तिम ८ मा पुग्ने पहिलो टोली बनेको छ । लिस्नुलाई जित […]
September 20, 2024
काठमाडौं(हाम्रो खेलकुद) – अमिशा कार्की र चन्द्रा भन्डारीले ह्याट्रिक गरेको एन्फा महिला लिगको खेलमा त्रिभुवन आर्मी क्लबले चन्द्रपुर नगरपालिकामाथि फराकिलो जित हात पारेको छ । सातौं खेलमा पाँचौ जित निकाल्ने क्रममा शुक्रवार आर्मीले चन्द्रपुरलाई १०-० ले पराजित गर्यो ।एन्फा कम्प्लेक्स सातदोबाटोमा भएको खेलमा आर्मीकस अमिशा र चन्द्रासँगै हिमा चौधरी, दिपा शाही, शर्मिला मगर र अन्जना […]