6 years ago
June 26, 2018
पिटर्सबर्ग (एजेन्सी) – उपाधिको दाबेदारका रुपमा हेरिएको दक्षिण अमेरिकी टोली अर्जेन्टिना रूसमा जारी फिफा विश्वकप फुटबलमा राम्रो सुरुवात गर्न सकेन । दुई खेलको समाप्तीमा टोली समूह चरणबाटै बाहरिने खतरामा छ । यस्तो परिस्थितिमा समूह चरण पार गर्नको लागि ‘गर या मर’ को अवस्थामा छ ।
पहिलो खेलमा आइसल्यान्डसँग १–१ गोलको बराबरीमा रोकिएको अर्जेन्टिना दोस्रो खेलमा क्रोएसियासँग ३–० ले निरिह बन्न पुगेको थियो । पहिलो खेलमा बराबरी र दोस्रो खेलमा बेहोरेको हारले अर्जेन्टिना समूह ‘डी’ मा एक अंक जोडेर पुछारमा छ । अर्जेन्टिनाको समूह चरण पार गर्ने सम्भावना निकै न्यून बनेको थियो । तर, नाइजेरियाले आइसल्याण्डलाई हराएपछि अर्जे्न्टिनाको दोस्रो चरण पुग्ने आशा भने पलाएको थियो ।
यही अवस्थामा अर्जेन्टिनाले मंगलबार राति सेन्ट पिटर्सवर्गमा अफ्रिकी प्रतिद्धन्द्धी नाइजेरियासँग राति ११ः४५ बजे खेल्दैछ । अर्को चरणमा स्थान सुरक्षित गर्न अर्जे्न्टिनालाई समूह चरणको अन्तिम खेलमा नाइजेरियाविरुद्ध निश्चित जित निकालेर मात्रै पुग्दैन समूहको अर्को खेलमो नतिजामा पनि भर पर्नुपर्ने छ । अर्जेन्टिनाले नाइजेरियालाई पराजित गरे तथा क्रोएसियाले आइसल्यान्डलाई पराजित गरे या बराबरीमा रोके अर्जेन्टिना नकआउट चरणमा प्रवेश गर्नेछ ।
अर्जे्न्टिनाले नाइजेरियामाथि र आइसल्यान्डले क्रोएसियामाथि जित हात पारे गोल अन्तरको आधारमा एक टोली अघि बढ्नेछ । नाइजेरियासँग पराजित भएको खण्डमा भने अर्जे्न्टिना समूह चरणबाटै बाहिरिनेछ । समूह चरणको अर्काे खेलमा क्रोएसियाले नाइजेरियाको सामना गर्दैछ । पछिल्लो तथ्याङ्क हेर्दा अर्जे्न्टिना नाइजेरियामाथि क्लीनसिटको अवस्थामा छ । यसअघिका सबै चार भेटमा अर्जे्न्टिनाले नाइजेरियालाई पराजित गरेको इतिहास छ ।
अर्जे्न्टिनाले १९९४ को विश्वकपमा २–१ को जित निकालेको थियो । २००२ र २०१० को विश्वकपमा समान १–० को जित निकालेको अर्जे्न्टिनाले २०१४ को विश्वकपमा भने अर्जे्न्टिनाले ३–२ को कठिन जित निकालेको थियो । अर्जे्न्टिना यही प्रदर्शनलाई दोहोराउदै विश्वकपमा पाँचौपटक नाइजेरियालाई पराजित गर्दै समूह चरण पार गर्ने लक्ष्यमा हुनेछ । तर, रसिया विश्वकपमा अर्जे्न्टिनाले नाम अनुसारको प्रदर्शन गर्न सकिरहेको छैन ।
टिममा स्टार खेलाडीहरुको जमघट रहेपनि अर्जे्न्टिना थकित र जित्न नसकिने खालको प्रदर्शन गरिरहेको छ । समूह चरणबाट अघि बढ्न अर्जे्न्टिनाले नाइजेरियामाथि उत्कृष्ट प्रदर्शन गर्नुपर्ने हुन्छ । क्लब फुटबलमा सबैखाले उपलब्धि हात पारेका अर्जे्न्टिनाका कप्तान लियोनेल मेस्सीको जादु रसिया विश्वकपमा चल्न सकेको छैन । दक्षिण अमेरिकी विश्वकप छनोटमा कठिन संघर्ष गर्दै अन्तिम खेलबाटै अर्जे्न्टिनाले विश्वकपमा स्थान बनाएको थियो ।
इक्वेडरविरुद्धको खेलमा मेस्सीकै ह्याट्रिकमा अर्जे्न्टिना अघि बढेको थियो । अर्जे्न्टिनाका उपकप्तान जेभियर मस्चेरानोले टिम अहिले कठिन स्थितिमा रहेको स्वीकार गर्दै नाइजेरियाविरुद्धको खेलमा जितकै लागि खेल्ने बताए । ‘हामीले अघिल्ला खेलमा के ग¥यौं । अब त्यसलाई भुलेर हामी अघि बढ्नुपर्छ । हामी नाइजेरियाविरुद्धको खेलमा केन्द्रित भएका छौं ’ उपकप्तान मस्चेरानोले भने, ‘हामीलाई समूह चरणबाट अघि बढ्नको लागि जितबाहेकको विकल्प छैन । नाइजेरियाविरुद्धको खेलमा सम्पूर्ण शक्ति लगाएर खेल्नेछौं । आशा छ हामी नकआउट चरणमा पुग्न सफल हुनेछौं ।
यता, नकआउट चरणनजिक रहेको नाइजेरिया अर्जे्न्टिनालाई रोक्दै पाँचौपटक अन्तिम १६ मा पुग्ने योजनामा हुनेछ । नाइजेरियालाई अर्जे्न्टिनाविरुद्धको खेलमा बराबरी गरेपनि दोस्रो चरण पुग्न पर्याप्त हुनेछ । त्यसैले नाइजेरियाले अर्जे्न्टिनाविरुद्ध रक्षात्मक खेल्दै तीन अंक नगुमाउने योजनामा खेल्नेछ । युवा खेलाडी मुसाको उच्च प्रदर्शन पनि अर्जे्न्टिनाको लागि बाधक बन्न सक्छ । उनले अर्जे्न्टिनाविरुद्धको खेल रोमाञ्चक हुने र यो आफ्नो टिमको लागि ‘गर या मर’ को अवस्थामा रहेको पनि बताएका छन् ।
नाइजेरियाका प्रशिक्षक जर्नटले अर्जे्न्टिनाविरुद्धको खेल सोचेभन्दा पनि कठिन हुने बताएका छन् । ‘हामी बराबरीले पनि अर्काे चरणमा प्रवेश गर्न सक्छौं । तर, अर्जे्न्टिनाले जितकै लागि खेल्नेछ । उनीहरु हामी भन्दा बलियो टिम हो । तर, हामी पनि कमजोर छैनौ । हामी अर्जे्न्टिनालाई रोक्ने प्रयासमा हुनेछौं ।’ प्रशिक्षक जर्नटले भने । यही समूहमा अन्तिम १६ मा प्रवेश गरिसकेको क्रोएसियाले आइसल्याण्डको सामना गर्नेछ ।
खेल रोस्टोभ अन डनमा राति ११ः४५ बजेपछि हुनेछ । क्रोएसिया शतप्रतिशत जितको खोजीमा रहँदा आइसल्यान्ड क्रोएसियालाई स्तब्ध पार्दै अघिल्लो चरण पुग्ने लक्ष्यमा हुनेछ । पहिलो खेलमा अर्जे्न्टिनामाथि सनसनीपुर्ण प्रदर्शन गरेको आइल्यान्डले नाइजेरियाविरुद्धको खेलमा भने खुलेर खेल्नै सकेन ।
September 20, 2024
सुशील पन्त क्षेत्री,चितवन प्रतिस्पर्धात्मक खेलमा राइजिङ स्टार भुमहीलाई पराजित गर्दै आयोजक हानामी भरतपुर फुटबल क्लब (बिएफसी) गोल्डेन इमिनेन्ट दोस्रो चितवन गोल्डकपको क्वाटरफाइनलमा प्रवेश गरेको छ । नेपाल प्रहरी शिक्षालयको मैदानमा आज भएको खेलमा बिएफसीले राइजिङलाई ३-२ ले हरायो । बिएफसीको जितमा राज भुसालले २ तथा सन्जीब बिष्टले १ गोल गरे । राङजिङ स्टारका फागुराम थारु […]
September 20, 2024
सुमन अधिकारी, बुटवललिस्नु युवा क्लब रुपन्देहीमा जारी ३६ औं झरना रनिङ शिल्ड फुटबल प्रतियोगिताको क्वाटरफाईनलमा प्रवेश गरेको छ । स्वर्गिय खगी गुरुङसेनीको पुण्य स्मृतिमा झरना स्पोर्टस क्लबको आयोजनामा जारी प्रतियोगिताको तेस्रो दिन शुक्रवार सुनौलो संगम युवा क्लबलाई ४-० ले पराजित गर्दै लिस्नु समुह एबाट अन्तिम ८ मा पुग्ने पहिलो टोली बनेको छ । लिस्नुलाई जित […]
September 20, 2024
काठमाडौं(हाम्रो खेलकुद) – अमिशा कार्की र चन्द्रा भन्डारीले ह्याट्रिक गरेको एन्फा महिला लिगको खेलमा त्रिभुवन आर्मी क्लबले चन्द्रपुर नगरपालिकामाथि फराकिलो जित हात पारेको छ । सातौं खेलमा पाँचौ जित निकाल्ने क्रममा शुक्रवार आर्मीले चन्द्रपुरलाई १०-० ले पराजित गर्यो ।एन्फा कम्प्लेक्स सातदोबाटोमा भएको खेलमा आर्मीकस अमिशा र चन्द्रासँगै हिमा चौधरी, दिपा शाही, शर्मिला मगर र अन्जना […]