6 years ago
June 25, 2018
मोर्डाेभियो (एजेन्सी)–दुई वर्षअघिको युरोकप विजेता पोर्चुगल रसिया विश्वकपको प्रि–क्वार्टरफाइनल नजिक छ । आधुनिक फुटबलका हस्ती क्रिष्टियानो रोनाल्डोको प्रेरणामा रहेको पोर्चुगल समूह चरणको अन्तिम खेलमा एसियाली प्रतिद्धन्द्धी इरानलाई पराजित गर्दै नकआउट चरण पुग्ने लक्ष्यमा हुनेछ ।
समूह ‘बी’ बाट तीन टोलीको अन्तिम १६ प्रवेश गर्ने सम्भावना जीवितै रहँदा पोर्चुगललाई बराबरी तथा इरानलाई अघिल्लो चरण प्रवेश गर्न जितको खाचो छ । पोर्चुगलका प्रशिक्षक फर्नान्डो सान्तोषले टिम इरानविरुद्धको खेलको लागि तयार भएको बताएका छन् । उनले इरानविरुद्धको खेल जितकै लागि खेल्ने बताएका छन् । चोटग्रस्त बनेको मिडफिल्डर जाओ मौटिन्हो टिममा फर्कने विश्वास गरिएको छ ।
इतिहास हेर्ने हो भने पोर्चुगल इरानमाथि हावी छ । अहिलेसम्म यि दुई टोली दुईपटक आमनेसामने हुदा तीन खेलमा पोर्चुगलले बाजी मारेको छ । १९७२ मा ब्राजिलमा भएको इन्डिपेन्डेन्ट कपमा पोर्चुगलले इरानलाई ३–० ले पराजित गरेको थियो । त्यसयता २००६ को विश्वकपको समूह चरणका पोर्चुगल २–० ले विजयी भएको थियो । यता यो खेलमा जित हात पारे इरानले इतिहास बनाउनेछ ।
अन्तिम १६ मा प्रवेश गर्न सफल भए इरान पहिलोपटक नकआउट चरणमा प्रवेश गर्नेछ । जुन इरानी फुटबलको लागि ऐतिहासिक हुनेछ । यसका लागि इरानले कडा मेहनत गर्नुपर्नेछ । स्पेनजस्तो बलियो टोलीलाई कडा चुनौती दिएको इरानले सोही प्रदर्शनलाई पोर्चुगलविरुद्धको खेलमा पनि निरन्तरता दिने योजनामा हुनेछ ।
यही समुहमा उपाधिको दावेदार स्पेनले प्रतियोगिताबाट बाहिरिएको मोरक्कोको सामना गर्नेछ । खेल रति ११ः४५ बजेपछि हुनेछ । स्पेन मोरक्कोमाथिको खेलमा हावी हुने आँकलन गरिएको छ । यो खेलमा जित हात पारे स्पेन समूह विजेताको रुपमा अघि बढ्नेछ । पराजित भएको खण्डमा भने अन्य खेलको नतिजा कुर्नुपर्ने हुन्छ ।
यता, समूह चरणबाट बाहिरिएपनि मोरक्को अन्तिम खेलमा स्पेनलाई रोक्दै अंक बटुलेर घर फर्कने योजनामा हुनेछ । समूहमा स्पेन र पोर्चुगलको समान ४ अंक रहेको छ । ३ अंकसहित इरान तेस्रो तथा अंक जोड्न नसकेको मोरक्को चौथो स्थानमा छ ।
September 20, 2024
सुशील पन्त क्षेत्री,चितवन प्रतिस्पर्धात्मक खेलमा राइजिङ स्टार भुमहीलाई पराजित गर्दै आयोजक हानामी भरतपुर फुटबल क्लब (बिएफसी) गोल्डेन इमिनेन्ट दोस्रो चितवन गोल्डकपको क्वाटरफाइनलमा प्रवेश गरेको छ । नेपाल प्रहरी शिक्षालयको मैदानमा आज भएको खेलमा बिएफसीले राइजिङलाई ३-२ ले हरायो । बिएफसीको जितमा राज भुसालले २ तथा सन्जीब बिष्टले १ गोल गरे । राङजिङ स्टारका फागुराम थारु […]
September 20, 2024
सुमन अधिकारी, बुटवललिस्नु युवा क्लब रुपन्देहीमा जारी ३६ औं झरना रनिङ शिल्ड फुटबल प्रतियोगिताको क्वाटरफाईनलमा प्रवेश गरेको छ । स्वर्गिय खगी गुरुङसेनीको पुण्य स्मृतिमा झरना स्पोर्टस क्लबको आयोजनामा जारी प्रतियोगिताको तेस्रो दिन शुक्रवार सुनौलो संगम युवा क्लबलाई ४-० ले पराजित गर्दै लिस्नु समुह एबाट अन्तिम ८ मा पुग्ने पहिलो टोली बनेको छ । लिस्नुलाई जित […]
September 20, 2024
काठमाडौं(हाम्रो खेलकुद) – अमिशा कार्की र चन्द्रा भन्डारीले ह्याट्रिक गरेको एन्फा महिला लिगको खेलमा त्रिभुवन आर्मी क्लबले चन्द्रपुर नगरपालिकामाथि फराकिलो जित हात पारेको छ । सातौं खेलमा पाँचौ जित निकाल्ने क्रममा शुक्रवार आर्मीले चन्द्रपुरलाई १०-० ले पराजित गर्यो ।एन्फा कम्प्लेक्स सातदोबाटोमा भएको खेलमा आर्मीकस अमिशा र चन्द्रासँगै हिमा चौधरी, दिपा शाही, शर्मिला मगर र अन्जना […]