6 years ago
June 24, 2018
एक्तारिनवर्ग (एजेन्सी)– एसियाली राष्ट्र जापान रसिया विश्वकपको दोस्रो चरणको नजिक छ । समूह चरणको पहिलो खेलमा बलियो कोलम्बियामाथि सनसनीपूर्ण जित निकालेर दोस्रो चरण पुग्ने सम्भावना बलियो बनाएको जापानले आज अफ्रिकी मुलुक सेनेगलको सामना गर्दै छ । खेल एक्तारिनवर्गको एरिनामा राति ८ः४५ बजेपछि हुनेछ ।
दुवै टोलीले पहिलो खेलमा जित हात पारेका कारण सकभर अंक नगुमाउने योजनामा खेल्नेछ । यस्तोमा दुवै टोलीले रक्षात्मक खेल्दै काउन्टर एट्याकमा बढी ध्यान दिदै सके ३ अंक नसके १ अंक खोस्ने दुवै टिमको योजना हुनेछ । दुवै टोलीले २००२ को विश्वकपमा उत्कृष्ट प्रदर्शन गरेका थिए । जापान अन्तिमा १६ मा प्रवेश गर्दा सेनेगलले भने क्वार्टरफाइनल सम्मको यात्रा तय गरेको थियो ।
जापान २००२ मा आफंैले आयोजना गरेको प्रतियोगितामा बाहेक नकआउट चरणमा पुग्न सकेको छैन । अहिले जापानलाई दोस्रो चरण पुग्ने महत्ववपूर्ण अवसर छ । आइतबार हुने खेलमा सेनेगललाई पराजित गर्न सके जापान २००२ पछि पहिलोपटक दोस्रो चरण पुग्न सफल हुनेछ । सेनेगलसँग बराबरी खेलेको अवस्थामा पनि जापानको दोस्रो चरण प्रवेश गर्ने सम्भावना रहनेछ ।
हारले भने जापानको दोस्रो चरण पुग्ने सम्भावना न्यून बन्नेछ । जापानी प्रशिक्षक आकिरा निसिनोले पुराना र युवा खेलाडी समेटेर सन्तुलित टोली बनाएका छन् । उनले सेनेगलविरुद्धको खेलमा सुरुवाती लाइनअपमा कुनै खेलाडी परिवर्तन गर्नेछैनन् । जापानी प्रशिक्षक निसिनो एकिराले सेनेगलविरुद्ध टिम खेल खेल्दै सेनेगललाई पराजित गर्ने लक्ष्यमा रहेको बताए ।
यता, पहिलो खेलमा पोल्यान्डलाई पराजित गरेको सेनेगल पनि दोस्रो खेलमा जापानलाई निराश पार्दै दोस्रो चरण प्रवेश गर्ने लक्ष्यमा हुनेछ । २००२ को विश्वकपको पहिलो खेलमा विश्वविजेता फ्रान्सलाई पराजित गरेको सेनेगलले जारी विश्वकपमा पनि बलियो पोल्यान्डलाई पराजित गर्दै अघिल्लो चरण नजिक छ । यी दुई टोली पहिलोपटक आमनेसमाने हुन लागेका हुन् ।
September 20, 2024
सुशील पन्त क्षेत्री,चितवन प्रतिस्पर्धात्मक खेलमा राइजिङ स्टार भुमहीलाई पराजित गर्दै आयोजक हानामी भरतपुर फुटबल क्लब (बिएफसी) गोल्डेन इमिनेन्ट दोस्रो चितवन गोल्डकपको क्वाटरफाइनलमा प्रवेश गरेको छ । नेपाल प्रहरी शिक्षालयको मैदानमा आज भएको खेलमा बिएफसीले राइजिङलाई ३-२ ले हरायो । बिएफसीको जितमा राज भुसालले २ तथा सन्जीब बिष्टले १ गोल गरे । राङजिङ स्टारका फागुराम थारु […]
September 20, 2024
सुमन अधिकारी, बुटवललिस्नु युवा क्लब रुपन्देहीमा जारी ३६ औं झरना रनिङ शिल्ड फुटबल प्रतियोगिताको क्वाटरफाईनलमा प्रवेश गरेको छ । स्वर्गिय खगी गुरुङसेनीको पुण्य स्मृतिमा झरना स्पोर्टस क्लबको आयोजनामा जारी प्रतियोगिताको तेस्रो दिन शुक्रवार सुनौलो संगम युवा क्लबलाई ४-० ले पराजित गर्दै लिस्नु समुह एबाट अन्तिम ८ मा पुग्ने पहिलो टोली बनेको छ । लिस्नुलाई जित […]
September 20, 2024
काठमाडौं(हाम्रो खेलकुद) – अमिशा कार्की र चन्द्रा भन्डारीले ह्याट्रिक गरेको एन्फा महिला लिगको खेलमा त्रिभुवन आर्मी क्लबले चन्द्रपुर नगरपालिकामाथि फराकिलो जित हात पारेको छ । सातौं खेलमा पाँचौ जित निकाल्ने क्रममा शुक्रवार आर्मीले चन्द्रपुरलाई १०-० ले पराजित गर्यो ।एन्फा कम्प्लेक्स सातदोबाटोमा भएको खेलमा आर्मीकस अमिशा र चन्द्रासँगै हिमा चौधरी, दिपा शाही, शर्मिला मगर र अन्जना […]