6 years ago
June 24, 2018
सेन्ट पिटर्सबर्ग (एजेन्सी)– ब्राजिलियन सुपर स्टार नेयमारले विश्व कपमा कोस्टा रिकाको खेलका दौरान आफु किन भावुक बनेको सार्वजनिक गरेका छन् । पहिलो खेलमा स्वीट्जरल्यान्डसँग १–१ बराबरी खेलेपछि दबाबकाबीच ब्राजिल कोस्टा रिकाविरुद्ध उत्रेको थियो ।
जुन खेल ब्राजिलले २–० ले जित्दा नेयमारले दोस्रो गोलगरेका थिए । खेलभर नेयमारले खासै प्रभाव जमाउन सकेका थिएनन् । त्यसका बावजुद उनी गोल गर्ने भने सफल भए । खेलपछि उनी किन रोए भन्ने धेरैले जान्न सकेनन् । तर, उनले सामाजिक सञ्चाल इन्स्टाग्राममा खुसी र सन्तुष्टीको आँसु रहेको खुलाएका छन् ।
‘यहाँ सम्म आइपुग्न मैले के अनुभव गरे सबैले त्यो बुझ्छन् भन्ने छैन,’ उनले लेखेका छन्,‘ त्यो आसु हर्षको आँसु हो । पुनरागमन गर्नु सहज काम होइन । सपना निरन्तर देखेका छौं । हाम्रो प्रयास सफल भएको छ ।’ लामो समय चोटका कारण मैदान बाहिर रहेका नेयमार विश्व कपको केहि दिन अघि मात्र फेर्कका थिए ।
उनी झन्डै ४ महिनापछि मैदान फर्केका थिए । स्वीट्जरल्यान्डविरुद्धको बराबरीमा नेयमारले खासै प्रभाव पार्न सकेका थिएनन् । कोस्टा रिकासँगको खेलमा पनि उनी पहिलो हाफमा मार्किङमा परेका थिए । दोस्रो हाफमा उनले केहि राम्रो प्रदर्शन गरे । फिलिप्पे काउटिन्होले अग्रता दिलाएको खेलमा नेयमार अर्को गोल थप्न सफल भए ।
४ अंकका साथ ब्राजिल समूह इको शीर्षस्थानमा रहेको छ । समूहको अन्तिम खेलमा ३ अंकको सर्बियाको सामना गर्नेछ । समूहको अर्को खेलमा ४ अंक बटुलेको स्वीट्जरल्यान्डले प्रतियोगिताबाट बाहिरिएको कोस्टा रिकासँग प्रतिस्पर्धा गर्नेछ ।
September 20, 2024
सुशील पन्त क्षेत्री,चितवन प्रतिस्पर्धात्मक खेलमा राइजिङ स्टार भुमहीलाई पराजित गर्दै आयोजक हानामी भरतपुर फुटबल क्लब (बिएफसी) गोल्डेन इमिनेन्ट दोस्रो चितवन गोल्डकपको क्वाटरफाइनलमा प्रवेश गरेको छ । नेपाल प्रहरी शिक्षालयको मैदानमा आज भएको खेलमा बिएफसीले राइजिङलाई ३-२ ले हरायो । बिएफसीको जितमा राज भुसालले २ तथा सन्जीब बिष्टले १ गोल गरे । राङजिङ स्टारका फागुराम थारु […]
September 20, 2024
सुमन अधिकारी, बुटवललिस्नु युवा क्लब रुपन्देहीमा जारी ३६ औं झरना रनिङ शिल्ड फुटबल प्रतियोगिताको क्वाटरफाईनलमा प्रवेश गरेको छ । स्वर्गिय खगी गुरुङसेनीको पुण्य स्मृतिमा झरना स्पोर्टस क्लबको आयोजनामा जारी प्रतियोगिताको तेस्रो दिन शुक्रवार सुनौलो संगम युवा क्लबलाई ४-० ले पराजित गर्दै लिस्नु समुह एबाट अन्तिम ८ मा पुग्ने पहिलो टोली बनेको छ । लिस्नुलाई जित […]
September 20, 2024
काठमाडौं(हाम्रो खेलकुद) – अमिशा कार्की र चन्द्रा भन्डारीले ह्याट्रिक गरेको एन्फा महिला लिगको खेलमा त्रिभुवन आर्मी क्लबले चन्द्रपुर नगरपालिकामाथि फराकिलो जित हात पारेको छ । सातौं खेलमा पाँचौ जित निकाल्ने क्रममा शुक्रवार आर्मीले चन्द्रपुरलाई १०-० ले पराजित गर्यो ।एन्फा कम्प्लेक्स सातदोबाटोमा भएको खेलमा आर्मीकस अमिशा र चन्द्रासँगै हिमा चौधरी, दिपा शाही, शर्मिला मगर र अन्जना […]