पहिलो हाफमा सर्बियाको अग्रता

कलिनइनग्राड (एजेन्सी) – पहिलो हाफको अग्रतालाई जोगाउन सर्बियाले विश्व कप समूह इमा लगातार दोस्रो जित हासिल गर्नेछ । स्वीट्रजल्यान्डविरुद्धको जारी खेलमा सर्बियाले १–० ले अग्रता बनाएको छ । अलेक्जेन्डर मिट्रोभिचले पाँचौं मिनेटमा मिनेटमा हेड गोलमार्फत दिलाएको अग्रतालाई जोगाउन सके सर्बिया समूह चरणको अन्तिम खेल अघि नै अन्तिम १६ मा पुग्नेछ ।

कोस्टा रिकालाई १–० ले हराएको सर्बियाले समूहको अन्तिम खेलमा ब्राजिलसँग खेल्नेछ । ब्राजिलले आजै भएको अर्को खेलमा कोस्टा रिकालाई २–० ले हराउँदा फिलिप्पे काउटिन्हो र नेयमारले गोल गरेका थिए । ब्राजिल पहिलो खेलमा स्वीट्जरल्यान्डसँग १–१ रोकिएको थियो ।

आजको खेलमा सर्बिया जितेको खण्डमा नकआउट चरण पुग्ने अर्को टोलीका लागि ब्राजिल र स्वीट्रल्यान्डबीच प्रतिस्पर्धा हुनेछ । अर्को खेलमा स्वीट्जरल्यान्डले विश्व कपबाट बाहिरिसकेको कोस्टा रिकाको सामना गर्नेछ । ब्राजिलको ४ अंक छ भने सर्बियाको ३, स्वीट्जरल्यान्डको १ अंक छ । कोस्टारिका अंक बिहिन छ ।