कलिनइनग्राड (एजेन्सी) – विश्व कपको समूह ‘ईं’ मा सर्बिया एक जितसहित समूहको शीर्ष स्थानमा रहेको छ । नकआउट चरण पुग्ने योजनामा रहेको सर्बिया समूहमा लगातार दोस्रो जित निकाल्दै नकआउट चरणमा पुग्ने योजनामा हुनेछ ।

सर्बियाले आज राति ब्राजिललाई बराबरीमा रोक्न सफल स्वीट्जरल्याण्डको सामना गर्नेछ । खेल राति ११ः४५ बजेपछि कलिनइनग्राड स्टेडियममा हुनेछ । ठुला टिमलाई चुनौती दिन सक्ने टिम कोष्टा रिकालाई पराजित गरेर हौसिएको सर्बिया स्वीट्जरल्याण्डलाई पनि पराजित गर्दै दोस्रो चरण पुग्ने सम्भावना बलियो बनाउने योजनामा हुनेछ ।

सर्वियाले कप्तान एलेक्ससान्ड्रो कोलारोभको एकमात्र फ्रिकिक गोलमा कोष्टा रिकालाई १–० ले पराजित गर्न सफल भएको थियो । प्रि–क्वार्टरफाइनल प्रवेशको लागि सर्बियालाई यो खेल निकै महत्वपूर्ण छ । पहिलो खेलमा महत्वपूर्ण ३ अंक जोड्न सफल स्वतन्त्र राष्ट्र सर्विया दोस्रो खेलमा पनि स्वीट्जरल्याण्डलाई निराश पार्दै नकआउट चरण पुगेर इतिहास रच्ने योजनामा हुनेछ ।

सर्वियाले २०१० को विश्वकपपछि सर्वियाको नामबाट विश्वकप खेलेको थियो । त्यसअघि सर्विया एण्ड युगोस्लाभिया र मोन्टेनेग्रोको नामबाट विश्वकप खेलेको थियो । यता, पहिलो खेलमा उपाधिको प्रवल दावेदार ब्राजिललाई बराबरीमा रोक्न सफल स्वीट्जरल्याण्ड सर्वियाविरुद्धको खेलमा जितका लागि खेल्नेछ ।

दोस्रो चरणमा रहिरहन स्वीट्जरल्याण्डलाई निश्चि जित आवश्यक छ । संगठित प्रदर्शन गरेर ब्राजिललाई बराबरीमा रोक्न सफल स्वीट्जरल्याण्ड त्यही प्रदर्शनलाई दोहो¥याउने योजनामा हुनेछ । दुवै टोली पहिलोपटक आमने समाने हुन लागेका हुन् ।